थप ३ उपसचिव सहसचिवमा बढुवाका लागि सिफारिस भएका छन् ।
बढुवा सिफारिस समितिको हिजो बसेको बैठकले दुई तीन जना उपसचिवलाई सहसचिवमा बढुवा सिफारिस गरेको हो । बढुवा सिफारिस समितिले नेपाल आर्थिक योजना तथा तथ्यांक सेवाका एक र नेपाल इञ्जिनियरिङ सेवा सिभिल इञ्जिनियरिङ समूह,जनरल उपसमूहतर्फका २ गरी ३ जना उपसचिवलाई बढुवाका लागि सिफारिस गरेको हो ।
समितिले नेपाल आर्थिक योजना तथा तथ्यांक् सेवाबाट ढुण्डीराज लामिछाने र इञ्जिनियरिङ सेवातर्फबाट राजकुमार गोइत र पुष्कर कुमार पोखरेललाई बढुवाका लागि सिफारिस गरेको छ ।
बिज्ञापन
उनीहरु जेष्ठता र कार्यसम्पादन मूल्याकनका आधारमा हुने बढुवा हुन लागेका हुन ।यस अघि जेष्ठता र कार्यक्षमता मुल्यांकनका आधारमा प्रशासन समूहबाट २१,परराष्ट्र सेवाका ५ उपसचिव सहसचिवमा बढुवाका लागि सिफारिस भइसकेका छन् ।
बिज्ञापन
समितिले प्रशासन सेवा सामान्य प्रशासन समूहतर्फका १९ र नेपाल लेखापरीक्षण सेवाका २ गरी २१ जना उपसचिव तहका कर्मचारीहरुलाई सहसचिवमा बढुवाका लागि सिफारिस गरिसकेको छ । बढुवा सिफारिस भएका उपसचिवहरुमा पदम कुमार श्रेष्ठ,दिलिप कुमार गौतम,योगेन्द्र प्रसाद दुलाल,युवराज अधिकारी,भविश्वर पाण्डे,चन्द्रबहादुर शिवाकोटी,हेमराज भुसाल,भरत गौतम रहेका छन् । यस्तै, विमलप्रसाद बराल,बलराम ढकाल,गोविन्द प्रसाद अधिकारी,पुरुषोत्तम अधिकारी,शान्तिराज प्रसाई,नारायणप्रसाद मैनाली,विजयराज सुवेदी चिरञ्जिवी तिमिल्सिना,कविन्द्र नेपाल र यमेन्द्र उपाध्याय बढुवा सिफारिस भएका छन् ।
बिज्ञापन
यस्तै लेखापरीक्षणतर्फबाट लक्ष्मण आचार्य र ध्रुवराज भुसाल बढुवाका लागि सिफारिस भएका छन् ।
उता परराष्ट्रसेवाबाट पुष्पराज भट्टराई,मणिरत्न शर्मा,लोकबहादुर पौडेल क्षत्री,किरण शाक्य र दुरपदा सापकोटा उपसचिवबाट सहसचिवमा बढुवाका लागि सिफिारिस भइसकेका छन् ।
