मन्त्रिपरिषद्को पछिल्लो बैठकले २ सचिवको सरुवा,सात जना सहसचिवको सरुवाको निर्णय गरेको छ । यस्तै क्याविनेटले विभिन्न निकायहरुमा नियुक्ति गर्ने निर्णय समेत गरेको छ ।
बिज्ञापन
पछिल्लो दुईवटा मन्त्रिपरिषद् बैठकले गरेका निर्णय सार्वजनिक गरेको छ । गत २७ र २८ मंसिरमा बसेको मन्त्रिपरिषद् बैठक सरकारका प्रवक्ता एवं सूचना, सञ्चार तथा प्रविधिमन्त्री पृथ्वीसुब्बा गुरुङले दुईवटा बैठकका विभिन्न २० वटा निर्णय सार्वजनिक गरेका हुन् ।
बिज्ञापन
सोमबार सिंहदरबारमा मंसिर २८ गते बसेको मन्त्रिपरिषद्का निर्णय सार्वजनिक गर्दै सरकारका प्रवक्ता गुरुङले केन्द्रको कार्यकारी निर्देशक पदमा मोरङका देवराज ढुङ्गानालाई नियुक्त गरेको जनाएका छन् ।
सत्य निरुपण तथा मेलममिलाप आयोगका सचिव आलोकचन्द्र श्रेष्ठलाई नेपाल कानुन आयोग र कानुन आयोगका सचिव पराश्वर ढुङ्गनालाई सत्य निरुपण तथा मेलमिलाप आयोगमा सरुवा गरेको छ । यस्तै नेपाल न्याय सेवाका सात जना सहसचिवको सरुवा गर्ने निर्णय पनि क्याविनेटले गरेको छ ।
यस्तै गंगालाल राष्ट्रिय ह्ृदयरोग केन्द्रको सञ्चालक समितिको सदस्यमा डा राजेन्द्र प्रसाद बराल,दीपक राज सापकोटालाई नियुक्ति गर्ने निर्णय गरेको छ ।
त्यस्तै मन्त्रिपरिषद्ले अन्तराष्ट्रियस्तरको फुटबल, कराँते र बिच भलिबल प्रतियोगितामा विजयी तथा पदक प्राप्त गर्ने खेलाडी, प्रशिक्षक, व्यवस्थापक र फिजियो गरी ३५ जनालाई पुरस्कार तथा सम्मान गर्नका लागि खेलकुद मन्त्रालयलाई स्वीकृति दिने निर्णय गरेको छ ।
बिज्ञापन
