सूर्यदर्शन सहकारी पीडितहरुले रवि लामिछाने,छविलाल बञ्जाडे वा जितेन्द्र राई (जिवी) पक्राउ पर्दैमा आफ्नो वचत फिर्ता हुने कुनै ग्यारेन्टी नभएको बताएका छन् । सूर्यदर्शन वचत पीडित संघर्ष तथा तदर्थ समितिका संयोजक किरण श्रेष्ठले रवि,छवि,जिवी पक्राउ पर्दैमा पीडितहरुको वचत फिर्ता हुने कुनै ग्यारेन्टी नभएको जनाएका हुन ।
सरकारले पीडितको वचत फिर्ता गर्नेमा भन्दा पनि यसमा जोडिएका व्यक्तिहरुलाई पक्राउ, अनुसन्धान, कारबाहीमा अल्झिएर बसेको छ तर, सहकारी पीडितको बचत फिर्ता गराउनेमा कुनै प्रक्रिया अगाडि नढाएको भन्दै पीडितहरु आफ्नो वचत फिर्ता गराउन आफैं अग्रसर भएका छन् ।
बिज्ञापन
सरकारकै मुख ताक्दा सहकारी वचतकर्ता पीडितहरुको अबस्था हिजोका दिनमा युनिटी लाइफ,ओरियन्टल, सिभिल सहकारी पीडितकै अबस्थामा पुग्ने देखिएको कारण सूर्यदर्शन सहकारी पीडितहरुको स्थिति त्यस्तो हुन नदिन आफू अग्रसर रहेको बताउँछन,श्रेष्ठ । सूर्यदर्शनमा १८ हजार ७ सय बचतकर्ताको १ सय ३५ करोडभन्दा बढी बचत रहेको बताइएको छ । उक्त रकम अपचलनविरुद्ध हालसम्म एक हजार ५२ ले प्रहरीमा जाहेरी दिएका छन् । ग्यालेक्सी टेलिभिजनमा उक्त सहकारीबाट ६ करोड रकम गएको देखिन्छ भने बाँकी जिबी राईका अन्य कम्पनीले लगेको छ ।
बिज्ञापन
किरणका अनुसार,पोखराको सूर्यदर्शन सहकारीबाट व्यालेन्स सिटको सानो रकम अर्थात ६ करोड गोर्खा मिडिया नेटवर्कमा गएको देखिन्छ । रवि,छविहरु पक्राउ पर्दैमा सहकारी पीडितहरुको रकम फिर्ता हुने होइन । सूर्यदर्शनमा झण्डै १ सय ४० करोड रकम फसेको छ । त्यसमध्ये गोर्खा मिडिया नेटवर्कमा गएको रकम ६ करोड हाराहारीमात्र हो । सूर्यदर्शनका अलावा जिबी राईको समूहले चितवन, बुटवल, नेपालगञ्ज, काठमाडौंका सहकारीबाट रियल इस्टेट, हाउजिङ्ग, आयुर्वेदमा पैसा लगेको देखिन्छ । नेचर हव्र्स, गोर्खा मिडिया, गोर्खा आयुर्वेदलगायत ३२ वटा भन्दा बढी कम्पनी रहेछन् जिबीका । जुन कम्पनीमा उनको धेरै थोरै लगानी छ ती अधिकांशमा सहकारीको पैसा गएको छ ।
वचत फिर्ता गराउनका लागि जिबी राईको सम्पत्ति रोक्का गरिएको छ,पोखरा महानगरपालिकाले । यो पालिकाकै कार्यक्षेत्र भित्र भएका कारण जीविको सम्पत्ति रोक्का गरिएको हो । वचतकर्ताको वचत फिर्ता गराउनका लागि किरणहरु अब नयाँ सञ्चालक समिति बनाउन लागिपरेका छन् । बजारमा भएका ऋृण उठाउन पहल भइरहेको छ । सहकरीको कार्यालय दैनिक खोलिएको छ । सरकारकै मुख ताक्ने हो भने हामी पनि ओरियन्टल, सिभिल सहकारी पीडितकै अबस्थामा पुग्छौं । त्यस्तो हुन दिन्नौं ।
बिज्ञापन
राज्यले त सहकारी पीडितलाई मारेर रोक्का भएको सम्पत्ति राखी बैंकलाई उँभो लगाउन मद्दत गरिरहेको छ भन्छन्,उनी । १० करोडको सम्पत्ति ५ करोड बनाएर राखिएको छ । जिबी राईको १० करोडको सम्पत्ति बैंकमा २ करोडमा राखिएको छ भने सोको साँवा र ब्याज १० करोड नभएसम्म सरकारले हेरेर बस्ने रु अन्तिममा बैंकले १० करोडमा धितो लिलाम गर्ने । अन्तिममा न जिबी राईको हातमा केही हुन्छ न त सहकारी पीडितकै । दुवै रित्तो हुने स्थिति बन्छ ।
०७९ सालदेखि नै सहकारीको रकम फिर्ता गराउन आन्दोलनमा होमिएका श्रेष्ठ तीन वर्षपछि अहिले पोखरा महानगरपालिकाद्वारा गठित तदर्थ समितिको संयोजक छन् । सूर्यदर्शन सहकारीको नयाँ कार्यसमिति बन्न लागिरहेको बताउँछन् श्रेष्ठ । छिट्टै नै विशेष साधारणसभा गरेर सञ्चालक समिति र लेखा, अन्य ऋण समिति बनाई बचतकर्ताको रकम फिर्ता गगराउन अगाडि बढिरहेको छौं भन्छन्,संयोजक श्रेष्ठ ।
किरण अगाडि भन्छन्, सहकारीको पैसा फिर्ता दिनका लागि जिबी राई नै चाहिन्छ भन्ने होइन । उनका सम्पत्ति रोक्का राखेर त्यही सम्पत्तिको मूल्यांकन सरकारले अहिले धेर थोर पीडितहरुलाई दिए पनि न्याय पाएको आभाष हुन्थ्यो । चाहे, रवि, छवि, जिबी जो जो पक्राउ परुन्, हामीलाई चाहिएको बचत फिर्ता हो । जबसम्म बचत फिर्ता हुँदैन तबसम्म न्याय पाएको अनुभूति हुँदैन ।
