पुल्चोकस्थित मन्त्री क्वार्टरमा अब सर्वाेच्चको श्रीमानहरु भेटिने भएकाछन् ।
बिज्ञापन
गत १० फागुन ०७९ मा मन्त्रिपरिषद् बैठकले पुल्चोकबाट मन्त्रीहरू भैँसेपाटी क्वार्टर सरेलगतै सर्वोच्चका न्यायाधीश र मुख्य रजिस्ट्रारलाई दिने निर्णय गरेको थियो । संघीय सरकारका स्वास्थ्य मन्त्री प्रदीप पौडेलबाहेकका मन्त्रीहरु सबै भैसेपाटी सरिसकेका छन् भने रिक्त रहेको मन्त्री क्वार्टरमा सर्वाेच्चका श्रीमानहरु सर्ने क्रम शुरु भइसकेको छ । पुल्चोकस्थित मन्त्री क्वार्टर अब सर्वोच्च अदालतका न्यायाधीशहरूको क्वार्टरमा बदलिने सिलसिला शुरु भएको हो । सर्वाेच्च प्रशासनका अनुसार अहिले न्यायधीश कुमार रेग्मी पुल्चोकस्थित क्वार्टरमा सरिसक्नुभएको छ । उहाँले डी फाइभ व्लक रोज्नुभएको छ भने केही अर्काे न्यायधीश हरिप्रसाद फुयाँल,सपना प्रधान मल्ल, सारंगा श्रेष्ठ, नकुल सुवेदी सरकारी निवासमा सरिसकेका छन् ।
अहिले सर्वाेच्चका १६ न्यायधीश छन् । प्रधानन्यायधीशका लागि वालुवाटारमा निवासमै सरकारी क्वार्टरको व्यवस्था छ ।
बिज्ञापन
न्यायधीश रणबहादुर बमको हत्यापछि न्यायाधीशको सुरक्षाका लागि भिन्दै क्वार्टरको माग हुँदै आएको थियो । हरिकृष्ण कार्कीको प्रतिवेदनमा समेत न्यायपालिकाको विकृति एवम् विसंगति अन्त्यका लागि विभिन्न भेषधारी दलाल र विचौलिया नियन्त्रण गर्नसमेत न्यायाधीशलाई भिन्नै आवास सुविधा हुनुपर्ने प्रतिवेदनमा औल्याइएको थियो । सोही माग बमोजिम उक्त मन्त्री क्वार्टर सर्वाेच्चका न्यायधीशहरुलाई उपलव्ध गराउन लागिएको हो ।
झण्डै ७२ रोपनीमा फैलिएको उक्त क्वार्टरमा १९ वटा व्लक छन । ०२८ मा बनेका १४ वटा क्वार्टर छन् भने ५४ सालमा थप ५ वटा आवास गृह बनाइएको छ । यस अघि यो मन्त्री क्वार्टरको रेखदेख भौतिक पूर्वाधार मन्त्रालयले हेर्दै आएकोमा ६९ सालमा मन्त्रालय फुटेर शहरी बनेसँगै मन्त्री क्वार्टरको रेखदेख शहरी विकास मन्त्रालयले गर्दै आएको थियो । अब न्यायधीशहरु त्यता सिफ्ट भएपछि सर्वाेच्च प्रशासनले नै उक्त भवनको रेखदेख गर्ने जनाइएको छ । क्वार्टरमा चार वटा भवन अलपत्र छन् । दुई तल्ला बनेर अलपत्र छोडिएको उक्त भवन कुन निकायले कसरी हेर्ने भन्ने अझैं स्पष्ट पारिएको छैन ।
बिज्ञापन
उता भैसेपाटीमा अवस्थित १ सय ४९ रोपनीमा फैलिएको मन्त्री आवासमा राष्ट्रिय सभा अध्यक्ष र उपसभामुखका अलवा संघीय मन्त्री,सातै प्रदेशका मुख्यमन्त्री र प्रदेश प्रमुखका लागि आवास गृह छन् । त्यहाँ २५ वटा क्वार्टरमा वन मन्त्री ए वान,संघीय मामिला ए टु,रक्षा मन्त्री ए थ्री,गृह मन्त्री ए फोर व्लकमा बस्न थालेका छन् । यस्तै उद्योग वाणिज्य मन्त्रीलाई बी टु,कृषि मन्त्री बी फोर ब्लक उपलव्ध गराइएको छ । संष्कृति मन्त्रीलाई सी वान,परराष्ट्र मन्त्रीका लागि सी टु,कानुन मन्त्रीका लागि सी थ्री र अर्थ मन्त्रीलाई सी फोर व्लक उपलव्ध गराइएको छ । उपसभामुखका लागि डी वान,राष्ट्रिय सभा अध्यक्ष डी टु व्लक मिलाइएको छ ।
यस्तै,शहरी मन्त्रीका लागि इ वान,खानेपानी मन्त्रीलाई इ टु,शिक्षा मन्त्रीलाई इ थ्री व्लकमा सारिँदा उर्जा मन्त्रीलाई एफ वान,भौतिक मन्त्रीका लागि एफ टु,सञ्चार मन्त्री एफ फोर व्लक उपलव्ध गराइएको छ । भूमिका लागि जी वान,श्रम जी टु,महिला मन्त्रीका लागि जी थ्री र युवा तथा खेलकुद मन्त्रीलाई पुल्चोकबाट जी फोर व्लकमा सारिदा स्वास्थ्य मन्त्रीका लागि इ फोर व्लक छुट्टाएर राखिएको छ । सरकारले विशिष्ट व्यक्ति (भीआईपी) र अति विशिष्ट व्यक्ति (भीभीआईपी)का लागि आवास बनाउँदा बितेको चार वर्षमा राज्यकोषबाट पौनै १२ अर्ब रुपैयाँ खर्च भइसकेको हिसाब किताब निकालिएको छ । आन्तरिक सजावटमा २ अर्ब ८९ करोड ६७ लाख २६ हजार रुपैयाँ र परामर्शमा ३ करोड ५१ लाख १८ हजार रुपैयाँको खोलो बगाइएको हिसाब निकालिएको छ ।
यस्का अलवा प्रदेशका मुख्यमन्त्री र प्रमुखको आवासका लागि मात्र संघीय सरकारले बार्षिक ९४ लाख संघीय सरकारले खर्च गर्दै आएको छ । यसरी मन्त्रीहरु पुल्चोकबाट भैसेपाटी सिफ्ट हुँदा अधिकांशले सिरक डस्ना र किचनको सामाग्री बोकेर उता लगेका छन् भने उद्योग,अर्थ र भूमि मन्त्रीले पुल्चोक क्वार्टरमा रहेको सोफा सेट नै उठाएर भैसेपाटीतिर पु¥याएकाछन् ।
