सहकारी ठगी प्रकरणमा पक्राउ परेका राष्ट्रिय स्वतन्त्र पाटीका सभापति रवि लामिछानेलाई चौथो पटक अदालत उपस्थित गराइएको छ । अनुसन्धानका लागि अदालतले पछिल्लो पटक दिएको म्याद सकिएपछि पुन म्याद थपको लागि अदालत पेस गरिएको हो ।
बिज्ञापन
गत कार्तिक २ गते पक्राउ परेका गोर्खा मिडियाका तत्कालिन प्रबन्ध निर्देशक रवि लामिछानेलाई आज चौथो पटक अदालतमा उपस्थित गराएन लागिएको हो । लामिछानेलाई पहिलो पटक कार्तिक ४ गते ६ दिनका लागि हिरासतमा राख्न अनुमति दिइएको थियो । यस्तै पहिलो पटक सात दिनको म्याद थपिएका उनलाई गत मंगलबार १० दिन हिरासतमा राख्न भनियो । उक्त १० दिनको म्याद सकिएकाले पुनः म्याद थपको निम्ति आज अदालतमा पेश गर्न लागिएको हो । कात्तिक २ गते काठमाडौंमा पक्राउ परेका उनी सोही रातिदेखि कास्की प्रहरीको हिरासतमा छन् ।
बिज्ञापन
पोखराको सूर्यदर्शन सहकारीको रकम गोर्खा मिडियाबाट अपचलन भएको भन्दै पूर्वप्रबन्ध निर्देशक रविसहित पूर्वउपाध्यक्षसमेत रहेका पूर्वडीआईजी छविलाल जोशी, जीवी राइका साझेदार नेचर हर्ब्सका सञ्चालक रामबहादुर खनाल र जीवीसँग मिलेर रकम हिनामिना गरेको आरोपमा लिला पछाईंलाई अदालतमा उपस्थित गराइएको छ ।
यसैबीच कास्कीको पोखरामा रहेको इमेज सहकारी ठगी प्रकरणमा पक्राउ परेका बागलुङस्थित ढोरपाटन नगरपालिकाका मेयर देवकुमार नेपालीलाई पोखरा ल्याइएको छ। उनलाई पनि हिरासत म्याद थपका लागि आज कास्की जिल्ला अदालत उपस्थित गराइँदै छ।
बिज्ञापन
