अख्तियारप्राप्त निकायले पनि सोझै बैंक खाता रोक्का वा फुकुवा गर्न पाउने भएको छ । नेपाल राष्ट्र बैंकले ‘बैंक खाता रोक्का तथा फुकवासम्बन्धी विनियमावली २०८१’ को प्रथम संशोधनसहित संशोधित विनियमावली गरी गर्दै उक्त व्यवस्था गरेको हो ।
बिज्ञापन
खाता रोक्का गर्नको लागि अधिकारप्राप्त अधिकारीले कानुनको व्यवस्थाअनुसार स्पष्ट उल्लेख गरी खाता रोक्का गर्नुको कारण र खातावालाको नागरिकता, पासपोर्ट, राष्ट्रिय परिचयपत्र वा अन्य नेपाल सरकारले जारी गरेको परिचयखुल्ने आधिकारिक विवरण तथा तीनपुस्ते विवरण खुलाई लिखितरूपमा राष्ट्र बैंकसमक्ष अनुरोध गरेमा इजाजतपत्र संस्थालाईअविलम्ब खाता रोक्का गर्न निर्देशन दिने व्यवस्था गरेको छ ।
बिज्ञापन
कानुनी व्यक्तिको हकमा भने खाता रोक्का गर्नुको स्पष्ट कारण, फर्म, कम्पनी तथा संस्थाको खाता रोक्का गर्नुपर्दा खातावालाको आधिकारिक नाम, ठेगाना, दर्ता नम्बर र स्थायी लेखा नम्बर अनिवार्यरूपमा उल्लेख गर्नुपर्नेछ । यस्तै कुनै निश्चित खाता मात्र रोक्का राख्नुपर्ने अवस्थामा भने रोक्का राख्नुपर्ने खाताको खाता नम्बर र खाता रहेको बैंकको विवरण अनिवार्यरूपमा उल्लेख गर्नुपर्नेछ ।आशिंक खाता रोक्का राख्नुपर्ने भएमा भने रोक्का राख्नुपर्ने खाताको खाता नम्बर, रोक्का राख्नुपर्ने रकम (अक्षर र अंकमा) र खाता रहेको बैंकको विवरण राख्नुपर्नेछ । खाता रोक्का गर्दा अनुसन्धान गर्न अधिकारप्राप्त अधिकारीलेखाता रोक्का वा फुकुवा गर्ने प्रयोजनका लागि तोकिएका अधिकारीमार्फत राष्ट्र बैंकसमक्ष खाता रोक्का वा फुकुवाको अनुरोध गर्नसक्ने व्यवस्था पनि गरेको छ । बैंक खाता रोक्का वा फुकुवाको लागि सम्बन्धित अधिकारप्राप्त अधिकारीलेराष्ट्र बैंकमा पत्र पठाउदा छिटो प्राप्त हुनेगरी तोकिएको ठेगानामा वाइमेलमार्फत पठाउन सक्ने व्यवस्था गरेको छ ।
बिज्ञापन
