नेपाल विद्युत् प्राधिकरणका प्रबन्ध निर्देशक कुलमान घिसिङले ८ बर्ष अघि घाटामा रहेको नेपाल विद्युत प्राधिकरणलाई आफूले जिम्मेवारी सम्हाले यता ८२ अर्ब रुपैयाँ नाफा गराएको दावी गरेका छन् । नेपाल विद्युत प्राधिकरणको दोश्रो कार्याकालका लागि नियुक्त भएको तीन बर्ष उपलव्धी सार्वजनिक गर्न आयोजित पत्रकार सम्मेलनमा उनले आठ बर्ष अघि घाटामा रहेको प्रधिकरणको सञ्चित मुनाफा ४७ अर्ब ४१ करोड रहेको र पछिल्ला ८ वर्षमा ८२ अर्ब २ करोड नाफा पुगेको जनाएका हुन ।
बिज्ञापन
प्राधिकरणको नाफा वास्तविक भन्दै कागजी मात्रै नभएको पनि उनले स्पष्टीकरण दिएका छन् । ८ वर्षमा ४७ अर्ब सञ्चित नाफा भएको उल्लेख गर्दै उनले कूल नाफा ८२ अर्ब पुगेको सुनाए । यो नाफा डेडिकेटेड र ट्रङ्कलाइन महसुलले मात्रै नभएको उनको भनाई छ ।
बिज्ञापन
२०७८ साल साउन २५ गते कार्यकारी निर्देशक पदमा नियुक्त भएका उनले कार्यसम्पादन सम्झौताको मूल्याङ्कनमा आर्थिक वर्ष २०७८/७९ र २०७९/८० मा क्रमश: ९४.२३ र ९८.९४ प्रतिशत अंक प्राप्त भएको जानकारी दिँदै उनले गत आर्थिक वर्षको भने मूल्याङ्कनकै क्रममा रहेको सुनाए ।घिसिङले महालेखाबाटै अडिट गरी आएको हिसाबअनुसार नाफाको विवरण आफूले भनेको पनि जानकारी दिए । ‘तीनपटक गरि २५ प्रतिशत महसुल घटाउँदा पनि हामी नाफामा छौं’, उनले भने, ‘कुनै पनि उत्पादनमा यसरी मूल्य घटाउँदा नाफामा जाँदैन । तर प्राधिकरण नाफामा छ ।’
आफ्नो दोस्रो कार्यकालमा प्राधिकरणको वित्तीय अवस्थामा थप सुधार, संस्थाभित्रको सुशासन, हरेक नागरिक घरमा बिजुली पुर्याउन विद्युतीकरण, विद्युत आपूर्तिलाई पर्याप्त, भरपर्दो, गुणस्तरीय तथा सुरक्षित बनाउन प्रशारण र वितरणतर्फको संरचना विस्तार एवं सुदृढीकरण, उत्पादनतर्फका ठूला जलविद्युत आयोजना अगाडि बढाउने, आन्तरिक रुपमा खपत बढाउने तथा अतिरिक्त विद्युत निर्यातलाई उच्च प्राथमिकतामा राखेर काम गरेको कार्यकारी निर्देशक घिसिङले जानकारी गराए ।
आठ वर्षअघि २९ लाख ७० हजार रहेको विद्युत ग्राहक संख्या हाल सामुदायिकसहित ५९ लाख ३५ हजार पुगेको र बिकट बस्तीहरुको पहिचान गरेर बाँकी विद्युतीकरणको काम अगाडि बढिसकेको पनि घिसिङले जानकारी दिए ।
बिज्ञापन
