काठमाण्डौको चन्द्रागिरी केवुलकारमा समस्या आउँदा यात्रु केवलकारमै अड्किएका छन् । निरन्तर विद्युत अवरुद्ध हुँदा वैकल्पिक उपायका रुपमा कम्पनीले जेनेरेटर चलाएर अलपत्र परेका यात्रुको उद्धार गर्ने प्रयास गरे पनि उक्त प्रयास असफल भएपछि अहिले प्रहरीको सहयोग लिएर यात्रुको उद्धार गर्न खोजिएको छ ।
बिज्ञापन
चन्दागिरी केवलकार नेपाल उद्योग वाणिज्य महासंघका अध्यक्ष चन्द्र ढकालको कम्पनी हो । चन्द्रागिरी केवलकारमा पटक पटक विद्युत अवरुद्ध हुँदा यात्रुहरुको विल्लीबाठ हुँदै आएको छ । सशस्त्र प्रहरीका अनुसार केवलकारमा अड्किएका यात्रुका उद्धारका लागि सशस्त्र प्रहरीको नम्बर ९ पशुपतिनाथ बाहिनीबाट ११ जनाको सशस्त्र प्रहरीको टोली चन्द्रागिरितर्फ गएको छ ।प्रहरीका अनुसार,स्टेसननजिक रहेका ८ जना यात्रुको भर्याङ लगाएर उद्धार गरिएको छ भने बाँकी जंगलको बीचमा रहेका यात्रुको उद्धार गर्न कठिनाई भइरहेको प्रहरीले जनाएको छ ।
बिज्ञापन
यस अघिका राष्ट्रिय सभाका अध्यक्ष गणेशप्रसाद तिमिल्सिना चढेको केबलकार चन्द्रागिरीमा घण्टौं अड्किएको खबर बाहिरिएको थियो । परिवारसहित चन्द्रागिरी पुगेका उनीहरु केबलकार बीचमै अड्किएको हो । विद्युत आपूर्तिमा समस्या हुँदा अरु केही केबलकारहरू बीचमै अड्किएको थियो,गत बर्ष ।
चन्द्रागिरीमा समय समयमा यस्तो समस्या देखिँदै आएको छ । यस अघि ३७ जना यात्रु तीन घण्टासम्म केवुलकारमा वन्धक वनेका थिए । सामान्य समयमा १० मिनेटको यात्रा प्राविधिक गडबडीपछि घण्टौ लाग्ने गरेको छ ।जसले केवलकार चढेर भोलेश्वर बाबाको दर्शन गर्न हिडेका र दर्शन गरेर फर्किएका यात्रुहरुको विचल्ली हुने गरेको छ ।
बिज्ञापन
चन्द्र ढकाल यस्ता व्यवसायी हुन कि नेता र कर्मचारीलाई फकाएर एक पछाडि अर्काे डाँडा कब्जा गर्दै केवलकार सञ्चालन गरिरहेका छन् । केपी शर्मा ओली,शेरबहादुर देउवादेखि प्रचण्डसम्मको विश्वास जित्न सफल बागलुङ्गे चन्द्र ढकालले भोलेश्वर बाबाको नाममा ०७३ सालमा चन्द्रागिरी केवलकार सञ्चालनमा ल्याएका हुन । शासकदेखि प्रशासकहरुलाई हातमा लिएर उनले कौडीको भाउमा चन्द्रागिरी डाँडो नै हत्याए । तत्कालीन वनमन्त्री दीपक बोहरालाई प्रयोग गरी कौडीको चन्द्रागिरीको डाँडो नै हत्याएका थिए । उनले प्रतिरोपनी रु २१ मा ४० बर्षसम्मका लागि लिजमा हत्याउन सफल भएका छन् । ३६ रोपनी जमिन कौडीको भाउमा हात पारेका हुन ढकालले । सम्झौता पत्र अनुसार चन्द्रागिरी केवलकारले शुरुको वर्षमा वार्षिक १ लाख ८० हजार अर्थात प्रति महिना २१ रुपैयाँ तिर्ने गरी सम्झौता भएको भेटिन्छ । कौडीको भाउमा ३६ हजार हेक्टर जमिन हत्याएर ढकालले त्यहाँ अहिले केवलकार, भ्युटावर, रिसोर्टलगायत विभिन्न उद्योग चलाउँदै आएको छ ।
यस पछि चन्द्र ढकाल केवलकारमा लगानी गर्न हौसिदै आएका छन् । ढकालको समूहले बुटवलको गोलपार्कदेखि पाल्पाको वसन्तपुर डाँडासम्ममा हाल निर्माणाधीन अवस्थामा रहेको लुम्बिनी केवलकार,नवलपरासीको मौलाकालिकामा, पोखरा,कर्णालीको चिसापानी,स्वर्गद्धारीमा केवलकार बनाउने खेलोमेलो मिलाइसकेका छन् ।
ढकालले ताप्लेजुङमा बनाउन लागेको पाथिभरा दर्शन केवलकार प्रा लि निर्माण गर्न लाग्दै छन् । त्यहाँ स्थानीयको अवरोध गर्दै आएका छन् ।
यस्तै ढकालकै लगानीमा अर्को केवलकार निर्माण हुँदैछ सिक्लेस अन्नपूर्ण केबलकार प्रालिले मादी गाउँपालिका–१ को सिक्लेस गाउँस्थित प्वरयुममा तल्लो स्टेसन, वडा नम्बर २ को धर्मशालानजिक बीचको स्टेसन र वडा नम्बर २ कै डाँडामा माथिल्लो स्टेसन रहने गरी ६ दशमलव ४१६ किलोमिटर लामो केबलकार निर्माणका लागि प्रक्रिया अगाडि बढाएको छ । उनी सातै प्रदेशमा सात वटा केवलकार निर्माण गर्ने घोषणा गर्दै हिडिरहेका छन् ।
