नेकपा एमालेका युवा नेता महेश बर्ताैलाले पार्टी राजनीतिमा निरन्तर छलाङ हानिरहेका छन् । एमाले पार्टी फुटेर कसैलाई फाइदा भयो भने ती हुन्– महेश बर्तौला । पार्टी नफुटेको हुँदो त, न महेशले टिकट पाउने थिए, न त आफ्नो राजनीतिक गुरु विरोध खतिवडालाई हराउने अवसर नै मिल्ने थियो । हेभिवेट विरोधलाई हराएर संघीय सांसद भएका बर्तौला चार दशकअघि भीमफेदी गाउँपालिकामा जन्मिएका हुन् ।
बिज्ञापन
०५३ सालमा कालिका माध्यमिक विद्यालय नामटारबाट राजनीतिक यात्रा प्रारम्भ गरेका उनले २२ वर्ष अखिलको राजनीति गर्दा नबसेको र काम नगरेको कुनै कमिटी छैन । ०५४ सालमा इलाका कमिटी हुँदै ०५६ मा मकवानपुर जिल्ला कमिटीको सदस्य, ०५८ सालमा सचिव हुँदै वि।सं। ०६३ सालमा नारायणी अञ्चल कमिटीको सदस्य भएर काम गरे । ०६० सालको स्ववियु निर्वाचनमा मकवानपुर बहुमुखी क्याम्पसको सदस्य चलाए । ०६२ र ०६५ मा सभापति भए । ०६५ सालमा केन्द्रीय सदस्य निर्वाचित भएका उनी सचिवालय सदस्य हुँदै सचिव, उपाध्यक्ष र कार्यवाहक अध्यक्षमा उक्लिए । राजनीतिशास्त्रमा एमबिएस, एमए गरेका उनी लाइसेन्सप्राप्त अधिवक्ता हुन् ।
बिज्ञापन
यसअघि एमालेको सचेतक र प्रमुख सचेतकको जिम्मेवारी सम्हालिसकेका बर्ताैला नेकपा एमाले संसदीय दलका प्रमुख सचेतक सत्ता पक्षको मुख्य सचेतकमा नियुक्त भएका छ्न् ।
बिज्ञापन
