अख्तियारले अर्काे स्थानीय तहको तत्कालीन अध्यक्ष,उपाध्यक्ष,कर्मचारी सहित १४ उपर भ्रष्टाचार मुद्धा चलाएको छ ।
बिज्ञापन
अख्तियारले नवराजपुर गाउँपालिकाका तत्कालीन अध्यक्ष विश्वमोहनप्रसाद यादव, उपाध्यक्ष शोभाकुमारी यादव भन्ने शोभा कुमारीसहित तत्कालीन प्रमुख प्रशासकीय अधिकृत अमरेन्द्र कुसियैत, लेखापाल सोमप्रसाद आचार्य, इन्जिनीयर कृष्णा साह, सब इन्जिनियर सन्तोषकुमार यादव समेत १४ जनाउपर सोमबार विशेष अदालतमा भ्रष्टाचार मुद्दा दायर गरेको हो ।
अख्तियारले मधेस प्रदेश सरकारको सांसद् अनुदानबाट रामजाकी दलित आधारभूत विद्यालय मझौरामा अधुरो काम पूरा गर्नका लागि दिएको रकमबाट कुनै पनि काम नगरी हिनामिना गरेको पाइएकाले उनीहरुविरुद्ध विशेष अदालतमा मुद्दा दायर गरेको हो ।
बिज्ञापन
आर्थिक वर्ष २०७७/०७८ मा उक्त विद्यालयको अपूरो कार्य पूरा गर्ने योजनामा विद्यालय भवनको काम नै नगरी गरेको भनेर १४ लाख ५१ हजार ५५१ रुपैयाँ हिनामिना गरेको निष्कर्षसहित मुद्दा दायर गरिएको अख्तियारले जनाएको छ । अख्तियारले उपभोक्ता समितिका अध्यक्ष लक्ष्मीनारायाण मुखिया, कोषाध्यक्ष घुरनीदेवी मण्डल र सचिव रामभरोस मुखिया मलाह, वडा नम्बर ४ का तत्कालीन वडाध्यक्ष मदन यादव, वडा नम्बर ५ का तत्कालीन वडाध्यक्ष मनोजकुमार यादव, वडा नम्बर २ का तत्कालीन वडाध्यक्ष खुशीलाल साह समेतलाई प्रतिवादी बनाई मुद्दा दायर गरिएको हो ।
बिज्ञापन
