सरकारले पछिल्लो एक महिनामै ५ अर्ब २४ करोड रकम रकमान्तर र थप निकासा गरेको भेटिएको छ । अर्थमन्त्री वर्षमान पुनले बैशाख महिनामा विभिन्न ३० शीर्षकमा ५ अर्ब २४ करोड रकमान्तर गरेका हुन ।
उर्जा मन्त्रालयलाई विभिन्न ९ वटा आयोजनाका नाममा,भौतिकका ६,रक्षा मन्त्रालयका ३, शहरीका ११ स्वास्थ्य तथा जनसंख्याका १ वटा योजना तथा आयोजनाका नाममा रकमान्तर गरिएको हो । रकमान्तर भएका अधिकांश रकम विकासे मन्त्रालयकै छ । ऊर्जा, भौतिक पूर्वाधार र शहरी विकास मन्त्रालय अन्तर्गतका आयोनजाबाट अर्को आयोजनामा रकमान्तर भएको अर्थ मन्त्रालयले जनाएको छ ।
बिज्ञापन
मन्त्री पुनले बजेट बाहिरबाट राष्ट्रिय गौरवको आयोजना सुनकोसी मरिन डाइभर्सनले १ अर्ब ४० करोड थप निकासा प्राप्त गरेको छ ।
बिज्ञापन
नदी नियन्त्रणका लागि उर्जा मन्त्रालयले १४ करोड १७ लाख रकमान्तरको अनुमति पाएको छ । उर्जा मन्त्रालयले वृहत सरकारी सिंचाई योजनाको लागि २० करोड रुपैयाँ रकमान्तर गरेको छ । भौतिक पुर्वाधार तथा यातायात मन्त्रालयले ३४ करोड ६७ लाख एक शिर्षकबाट अर्को शिर्षकमा सारेको छ । यस्तै, रक्षा मन्त्रालयको जंगी अड्डाले ३८ करोड ४४ लाख रकमान्तर गरेको छ । शहरी विकास मन्त्रालयले १ अर्ब ५ करोड रुपैयाँ रकमान्तरको अनुमति पाएको छ ।
बिज्ञापन
