महिना दिन अगाडिमात्र शान्ति सेनाबाट फर्किएका र १० दिन अघि अदालतबाट श्रीमतीसँग सम्बन्ध विच्छेद रोजेका नेपाली सेनाका एक अमल्दार श्रीमती कर्तव्य ज्यानसम्बन्धी कसुरमा समातिएका छन् । सल्यानको कपुरकोट गाउँपालिका–६ स्थायी ठेगाना भई बारास्थित ज्वालादल गणमा कार्यरत ३६ वर्षीय सालिकराम बुढाथोकी व्यक्ति हत्याको अभियोगमा पक्राउ परेका हुन् ।
बिज्ञापन
खुकुरी प्रहारबाट गम्भीर घाइते भएकी टिका राउतलाई उपचारार्थ राप्ती प्रादेशिक अस्पताल पठाइएकोमा चिकित्सकले मृत घोषणा गरेको हो । त्यस्तै, टिकाको साथमा फेला पारेका २९ वर्षीय आर्यन थापा गम्भीर घाइते छन् । उनको अहिले राप्ती प्रादेशिक अस्पतालमा उपचार भइरहेको प्रहरीले जानकारी दिएको छ ।
बिज्ञापन
ज्वालादल गण बारामा कार्यरत अमलदार ३६ वर्षीय शालिकराम बुढाथोकीले तुलसीपुर उपमहानगरपालिका– ६ राप्ती टोलमा डेरा गरी बसेकी रावतको शुक्रबार बिहान ८ः४० बजे डेरा नजिककै अर्को घरमा हत्या गरेका हुन । पक्राउपछि प्रारम्भिक बयानमा बुढाथोकीले १० दिन अघि टीकासँग आफूले ‘डिभोर्स’ गरेको बताएका हुन् ।
महिना दिन अघि मात्र शान्ति मिसनबाट फर्किएका बुढाथोकीले जिल्ला अदालतमा सम्बन्धविच्छेदको लागि निवेदन दिएका थिए । १४ जेठमा मात्रै अदालतले शालिकराम र टीकाबीच सम्बन्धबिच्छेद भएको फैसला गरेको थियो ।१० दिन अघि अदालतबाट श्रीमतीसँग सम्बन्ध विच्छेद रोजेका उनले श्रीमती परपुरुषसँग देख्न नसकेका कारण हत्या गरेको बताएका छन् ।
बिज्ञापन
शालिकराम र टीकाका सात वर्षीय छोरा छन् ।
