सरकारको यस बर्षको बजेट वक्तव्यले निजामती कर्मचारीहरुलाई निरुत्साहित पारेको छ । हिजो सार्वजनिक बजेट बक्तव्यमा आगामी आर्थिक वर्षमा कर्मचारीको तलब, भत्ता र अन्य सुविधा नबढाएका कारण कर्मचारीहरु निरुत्साहित भएका हुन । सङ्घीय संसद्को संयुक्त बैठकमा अर्थमन्त्री वर्षमान पुनद्वारा आज प्रस्तुत आगामी आव २०८१/ ८२ को बजेट वक्तव्यमा कर्मचारीको तलब, भत्ता र अन्य सुविधाको विषयमा केही पनि उल्लेख गरिएको छैनन् । बजेट वक्तव्यको साढे १३ हजार शब्दमा कहिँ कतै पनि वृद्धभत्ता र तलब शब्द उल्लेख छैन । यद्यपि यसअघिका अधिकांश सरकारहरूले पपुलिस्ट कार्यक्रमअन्तर्गत दुवै शीर्षकमा केही न केही बढोत्तरी गर्ने चलन चलाएका थिए ।
बिज्ञापन
निजामती कर्मचारीहरुको तलब तीन बर्षदेखि बढ्न सकेको छैन । यस अघि ०७९ ८० को बजेटमा सरकारी कर्मचारीको तलब १५ प्रतिशतले वृद्धि गरिएको थियो । निजामती सेवा ऐन २०४९ को दफा २७ मा नेपाल सरकारले गठन गरेको तलब भत्ता पुनरावलोकन समितिले प्रत्येक तीन वर्षमा तलब भत्ता तथा अन्य सुविधा पुनरावलोकन गर्नेछ भन्ने व्यवस्था भए पनि यस पटक कर्मचारीको तलब नबढाइएको हो । अहिले सरकारी कर्मचारीको तलब न्युनतम २६ हजार ३४८ र अधिकतम् ८२ हजार ३५९ रुपैयाँसम्म छ । सरकारले बजेटमा तलब बढाउने विषयमा कुनै घोषणा नगरेपछि यहिँ तलब कायम गरिने भएको छ । यसअघि, सरकारले २०७९काे साउन १ गतेदेखि लागू हुने गरी कर्मचारीको १५ प्रतिशतले तलब वृद्धि गरी नयाँ तलब ताेकेकाे थियो ।
बिज्ञापन
हाल निजामती कर्मचारीतर्फ सबैभन्दा बढी तलब मुख्यसचिवको सुरुको तलब स्केल ७७ हजार २११ छ भने सबैभन्दा कम कार्यालय सहयोगी प्रथम स्तरको २४ हजार ७ सय २ रुपैयाँ रहेको छ ।
बिज्ञापन
