सरकारले प्रतिपक्षी नेपाली काँग्रेस लगायतका अवरोधका बीच नै आगामी आर्थिक बर्ष २०८१/ ८२ का लागि बजेट ल्याउने तयारी गरेको छ । आजको बैठक अन्त्य गर्दै सभामुख देवराज घिमिरेले मंगलबार दिउँसो १ बजे दुवै सदनको संयुक्त बैठकमा उपस्थितिका लागि सांसदहरूलाई आग्रह गरेका छन् ।
बिज्ञापन
आगामी आर्थिक वर्षको बजेट प्रस्तुतका लागि राष्ट्रियसभा र प्रतिनिधिसभाको संयुक्त बैठक १५ जेठमा बस्ने भएको छ । १५ जेठमा बजेट ल्याउनुपर्ने संवैधानिक व्यवस्थाअनुसार त्यस दिन अर्थमन्त्री वर्षमान पुनले बजेट पेस गर्दैछन् । प्रतिनिधिसभाका सभामुख देवराज घिमिरेले बजेट वक्तव्यका लागि मंगलबार दिउँसो १ बजे सङ्घीय संसदको संयुक्त बैठक बोलाइएको जानकारी गराएका हुन् ।
बिज्ञापन
बजेट पेसका लागि मंगलबार दिउँसो १ बजे संसदको संयुक्त बैठक बस्नेछ ।बजेट भाषणपछि दिउँसो ४ बजे फेरि प्रतिनिधिसभाको बैठक बस्नेछ । प्रमुख प्रतिपक्षी नेपाली कांग्रेसले सहकारी ठगी प्रकरणमा उपप्रधान एवं गृहमन्त्री रवि लामिछानेमाथि संसदीय छानबिन समितिको माग गर्दै संसदमा नाराबाजी गर्दै आएको छ । आज पनि नारावाजी र हो हल्लाकै बीच प्रतिनिधिसभाले नीति तथा कार्यक्रम पारित गरेको छ । सरकारको तर्फबाट गत जेठ १ गते राष्ट्रपति रामचन्द्र पौडेले संघीय संसदको संयुक्त बैठकमा नीति तथा कार्यक्रम पेश गरेका हुन ।
बिज्ञापन
मंगलबार १ बजेसम्म दलहरुबीच सहमति नभए उक्त दिन पनि कांग्रेसको नाराबाजीबीच संसदमा बजेट पेस हुने सम्भावना छ ।
