बिहिबार बसेको मन्त्रिपरिषद्को बैठकले राजीनामा स्वीकृत,नियुक्तिदेखि आयोग खारेजसम्मका निर्णयहरु गरेको छ ।
पुर्नगठित मन्त्रिपरिषद्को चौथौं बैठकले भूमी आयोग विघटनदेखि योजना आयोगमा ४ सदस्यको नियुक्ति सहितका विभिन्न १६ निर्णय गरेको हो ।
हिजोको क्याविनेट बैठकले आयोगको रिक्त ४ सदस्य पदमा प्राध्यापक संगीता सिंह, डा। कुसेन्द्रबहादुर महत, प्रा डा शिवराज अधिकारी र डा अरनिकोकुमार पाण्डेलाई नियुक्त गरेको छ ।
यस्तै श्रम सचिव केवल भण्डारीको राजीनामा स्वीकृत गरेको छ भने सहसचिव चुडामणि पौडेललाई सचिवमा बढुवा गर्ने निर्णय गरेको छ ।
बिज्ञापन
सोही बैठकले उपप्रधान एवं परराष्ट्रमन्त्री नारायणकाजी नेतृत्वको प्रतिनिधिमण्डललाई चैत ११ गतेदेखि १९ गतेसम्मका लागि चीन भ्रमण गर्न स्वीकृति दिएको छ।
बिज्ञापन
यस्तै, हिजैको बैठकले अनुचित लेनदेन (मिटरब्याज) अपराध नियन्त्रणका ३ सदस्यीय जाँचबुझ आयोग गठन गरेको छ । ३ महिनाभित्र सुझावसहितको प्रतिवेदन पेश गर्न उच्च अदालतका पूर्व न्यायाधीश तेजबहादुर कार्कीको अध्यक्षतामा पूर्व एआइजी पुस्कर कार्की र चार्टर्ड अकाउन्टेन्ट सञ्जीव मिश्र सदस्य रहने गरी आयोग गठन गरेको हो ।
मन्त्रिपरिषद्का निर्णयहरु हेर्न यहाँ क्लिक गर्नुहोस
बिज्ञापन
