प्रतिनिधि सभाको निर्वाचनमा भाग लिएका उमेद्धारहरुले धमाधम आफ्नो खर्चको विवरण सार्वजनिक गरिरहेका छन् । प्राप्त प्रारम्भिक विवरणमा निर्वाचन जितेका उमेद्धारभन्दा पराजित भएका उमेद्धारहरुको खर्चको विवरण धेरै देखिएको छ ।
बिज्ञापन
जस्तो भावी प्रधानमन्त्रीका रुपमा हेरिएका रास्वपाका बरिष्ठ नेता बालेन्द्र शाहले १४ लाख १७ हजार रुपैयाँ खर्च भएको विवरण निर्वाचन कार्यालयमा बुझाएका छन् । उनले १५ दिनमा दुई वटा सवारी साधन भाडामा २ लाख ९३ हजार ८ सय रुपैयाँ खर्च भएको उल्लेख गरेका छन् । यो खर्च इन्धनसहितको रहेको विवरणमा उल्लेख छ । पाँच पटकको हवाई भाडामा ३५ हजार र मतदाता प्रशिक्षण कार्यक्रमको खाजा खर्चमा २८ हजार ९७० रुपैयाँ खर्च भएको विवरणमा उल्लेख छ ।
बिज्ञापन
यसैगरी वडास्तरीय प्रचार कार्यक्रममा ५ लाख ८० हजार, नमूना मतपत्र छपाइमा ४९ हजार ८५० रुपैयाँ, निर्वाचन कार्यालयमा दुई महिनाको पानी खर्च १ लाख २० हजार र स्टेसनरीमा २२ हजार ८२० रुपैयाँ खर्च भएको विवरण छ । यसैगरी झण्डा र ब्याचसहितको प्रचार प्रसार सामग्री छपाइमा १ लाख ५७ हजार ४१ रुपैयाँ, ब्यानर तथा स्टिकरमा १ लाख १९ हजार ८०८ रुपैयाँ र मनोनयन दर्तामा १० हजार रुपैयाँ खर्च भएको विवरण छ । बालेनको निर्वाचन प्रतिनिधि नवीन भण्डारीको हस्ताक्षरमा बुझाइएको विवरणमा समग्रमा १४ लाख १७ हजार २८९ रुपैयाँ खर्च भएको उल्लेख छ । यता राष्ट्रिय स्वतन्त्र पार्टी का सभापति रवि लामिछानेले प्रतिनिधिसभा निर्वाचनको ९ लाख ८९ हजार ९८७ रुपैयाँ चुनावमा खर्च भएको उल्लेख छ ।
रोचक चाहिँ निर्वाचन जित्नेभन्दा हार्नेहरुको चुनाव खर्च धेरै भएको विवरण सार्वजनिक भइरहेको छ । नेकपा एमालेका महासचिव एवं दाङ क्षेत्र नम्बर २ का उम्मेदवार शंकर पोखरेलले निर्वाचनमा १७ लाख ५० हजार खर्च भएको विवरण आयोगमा बुझाएका छन् । पोखरेलले पेश गरेको खर्च विवरण अनुसार, मतदाता नामावली खरिद बापत ५० हजार खर्च भएको उल्लेख छ । सवारी साधनमा ३ लाख ५० हजार, सवारी इन्धन ९घोडा प्रयोग गरिएकोमा दाना समेत० ३ लाख, प्रचार प्रसार सामग्री १ लाख ५० हजार, ढुवानीतर्फ १ लाख ५० हजार, गोष्ठीरअन्तरक्रिया १ लाख ५० हजार, अन्य प्रचार प्रसार, छापा एवं विद्युतीय माध्यम २ लाख, कार्यालय सञ्चालन १ लाख ५० हजार, प्रतिनिधि परिचालन १ लाख र विविध खर्च गरेर १ लाख ५० हजार उल्लेख गरिएको छ ।
यस्तै,नेपाली काँग्रसका प्रेम खत्रीले २९ लाख ८२ हजार ५३० रुपैयाँ खर्च भएको विवरण आयोगमा बुझाएका छन् । गोर्खा क्षेत्र नम्बर १ बाट प्रतिनिधी सभा सदस्य निर्वाचनमा उम्मेदवार बनेका खत्रीले प्रचारप्रसार सामाग्री खर्चमा ५ लाख १४ हजार खर्च गरेका छन् भने मिडिया खर्च २ लाख ६० हजार गरेका छन् । त्यस्तै गरि सभा तथा मतदाता भेटघाट खर्चमा ५ लाख, सवारी साधन भाडा तथा इन्धन खर्च १० लाख, निर्वाचन सम्पर्क कार्यालय सञ्चालन ९५९ कार्यलय० मा ४ ला ९५ हजार ६ सय, सामाग्री ढुवानी खर्च २ लाख ९ हजार ५ सय र अन्य विविध निर्वाचन खर्च ३ हजार ४ सय ३० रुपैया खर्च भएको उल्लेख गरेका छन् । त्यहाँबाट सुदन गुरुङ विजयी भएका छन् ।
यस्तै,रुपन्देहीबाट एमालेका उपाध्यक्ष विष्णु पौडेलले फागुन २१ गते भएको निर्वाचनमा २८ लाख रुपैयाँ खर्च भएको विवरण बुझाएका छन्। पौडेलले बुझाएको खर्च विवरणमा सवारी साधन भाडा तथा इन्धनमा ८ लाख ९७ हजार २७५ रुपैयाँ खर्च भएको उल्लेख छ। छापा एवं विद्युतीय प्रचारप्रसारमा ८ लाख ३४ हजार, कार्यालय सञ्चालनमा २ लाख ६४ हजार, विविधमा २ लाख २२ हजार ३२५, छपाइमा १ लाख ९० हजार खर्च भएको विवरणमा उल्लेख छ। यस्तै,एसएमएसमा १ लाख ७५ हजार, मतदाता नामावली खरिदमा ९८ हजार, गोष्ठी तथा कार्यकर्ता परिचालनमा ५५ हजार, अन्तर्क्रियामा ४५ हजार र प्रतिनिधि परिचालनमा २६ हजार ५ सय गरी २८ लाख ७ हजार १ सय रुपैयाँ खर्च भएको विवरणमा उल्लेख छ।
बिज्ञापन
यस्तै, नेपाली कांग्रेसबाट रुपन्देही २ का उम्मेदवार चुन्न प्रसाद शर्माले फागुन २१ गते भएको निर्वाचनमा २४ लाख रुपैयाँ खर्च भएको विवरण निर्वाचन आयोगलाई बुझाएका छन्। शर्माले बुझाएको विवरणअनुसार ९ लाख २१ हजार ७४० रुपैयाँ मसलन्द छपाइ प्रिन्टिङतर्फ, १ लाख ७९ हजार ८९४ इन्धन सवारी साधन, खाना नास्ता चियापानमा ५ लाख ४५ हजार ६८९, बिजुली साउन्ड सिस्टममा २ लाख ७४ हजार ७२० रुपैयाँ उल्लेख छ।यस्तै अफिस प्रचारप्रसार कार्यालय भाडा २ लाख ४० हजार, सवारी साधन भाडा १ लाख ५० हजार र मन्च व्यवस्थापन कुर्सी टेन्टमा १ लाख ३१ हजार ७८० रुपैयाँ खर्च भएको विवरणमा उल्लेख छ।
उता,नेपाली कांग्रेसका महामन्त्री तथा काठमाडौं क्षेत्र नम्बर ५ का उम्मेदवार प्रदीप पौडेलले निर्वाचनमा आफ्नो २३ लाख ८६ हजार तीन सय ६८ रुपैयाँ खर्च भएको विवरण आयोगमा बुझाएका हुन् । उनको प्रचार प्रसारमा मात्र पाँच लाख ५३ हजार तीन सय ५० रुपैयाँ खर्च गरेका छन् ।
यस्तै, काठमाडौं क्षेत्र नम्बर १ का उम्मेदवार रबिन्द्र मिश्रले निर्वाचनमा कुल २३ लाख ९७ हजार ४०२ खर्च गरेका छन् । उनले आज जिल्ला निर्वाचन कार्यालय, काठमाडौंमा तोकेको सीमाभित्र २३ लाख ९७ हजार भन्दाबढी खर्च गरेको विवरण बुझाएका हुन् । उनले व्यवस्थामा ८ लाख ५० हजार रुपैयाँ खर्च भएको जनकारी दिएका छन् । प्रचारप्रसारमा ५ लाख ५० हजार खर्च भएको सार्वजनीक विवरणमा उल्लेख छ । घरदैलो कार्यक्रममा १ लाख ५० हजार रुपैयाँ खर्च भएको उनले जनाकारी दिएका छन् ।
कुन्ती पोखरेल निर्वाचन खर्च
