राष्ट्रियसभा सदस्य निर्वाचनका लागि आज उमेदवारहरुको मनोनयन हुँदै छ । राष्ट्रिय सभामा अगामी फागुन २० गते पदावधि सकिने १८ जना सदस्यका लागि आयोगले निर्वाचन कार्यतालिका सार्वजनिक गरिसकेको छ । एमालेका ८, नेकपाको ८ र जसपा नेपालको २ जनाको पदावधि सकिन लागेका कारण निर्वाचन गर्न लागिएको निर्वाचन आयोगले जनाएको छ । माघ ११ गते राष्ट्रियसभा सदस्य निर्वाचन हुँदै छ ।
बिज्ञापन
राष्ट्रियसभामा आगामी फागुन २० गतेदेखि १८ सदस्यको पद रिक्त हुँदै छ । आयोगले राष्ट्रिय जनगणना, २०७८ अनुसार मतदाता र मतभार सार्वजनिक गरिसकेको छ । निर्वाचन प्रयोजनका लागि निर्वाचन आयोगले राष्ट्रिय जनगणना २०७८ अनुसार मतदाता र मतभार सार्वजनिक गरिसकेको छ । राष्ट्रिय सभा सदस्य निर्वाचनमा प्रदेश सभा र स्थानीय तहका प्रमुखरउपप्रमुख, अध्यक्ष तथा उपाध्यक्ष मतदाता रहनेछन् । पछिल्लो मतभार अनुसार प्रदेश सभाको ५३ र स्थानीयत तहको १९ कायम भएको छ ।
बिज्ञापन
आयोगले सार्वजनिक गरेको सूची अनुसार कोशी प्रदेशमा ९३ प्रदेशसभा, २७४ स्थानीय तह गरी कुल ३६७ मतदाता छ । प्रदेशसभातर्फ ४९२९, स्थानीय तहतर्फ ५२०६ गरी कुल १० हजार १३५ मतभार छ ।
निर्वाचन कार्यतालिका अनुसार, आज बिहान १० बजेदेखि दिउँसो ३ बजेसम्म उमेदवारको मनोनयन पत्र दर्ता गर्ने कार्यक्रम रहेको आयोगले जनाएको छ । निर्वाचन कार्यतालिका अनुसार पुस १९ गते बिहान १० बजेदेखि ११ बजेसम्म मतदाता नामावली सार्वजनिक गरिनेछ । पुस २२ गते दिउँसो ३ देखि ४ बजेसम्म मतदाता नामावलीमाथि दाबी विरोध तथा निवेदनमाथि छानविन गरी अन्तिम नामावली प्रकाशित गर्ने, पुस २३ गते बिहान १० देखि ३ बजेसम्म उम्मेदवार मनोनयन पत्र दर्ता गर्ने तालिका प्रकाशन गरेको छ । यस्तै, पुस २४ गते बिहान १० देखि ४ बजेसम्म उम्मेदवारविरुद्ध उजुरी दिने कार्यक्रम छ । पुस २७ गते बिहान १० देखि दिउँसो १ बजेसम्म उम्मेदवारको नाम फिर्ता लिने र दिउँसो २ बजे उम्मेदवारको अन्तिम नामावली प्रकाशित गर्ने कार्यतालिका छ । यस्तै, पुस २८ गते उमेदवारलाई निर्वाचन चिह्न प्रदान गर्ने निर्वाचन कार्यतालिका छ । माघ ११ गते बिहान ९ बजेदेखि दिउँसो ३ बजेसम्म मतदान हुनेछ ।
यसैबीच, राष्ट्रियसभा निर्वाचनमा नेपाली कांग्रेस, नेकपा (एमाले), नेपाली कम्युनिस्ट पार्टी (नेकपा) र मधेशकेन्द्रित जनता समाजवादी पार्टी (जसपा) लोकतान्त्रिक समाजवादी पार्टी (लोसपा)बीच तालमेल गर्ने सहमति भएको छ । तालमेलका लागि कांग्रसले सात, एमालेले सात, नेपाली कम्युनिस्ट पार्टीले तीन र जसपाले एक सिट लिने गरी समझदारी बनेको छ ।
यही सहमति अनुसार अगाडि बढे राष्ट्रिय सभामा काँग्रेसलाई चिठ्ठा पर्ने छ । राष्ट्रिय सभामा अहिले १८ जनाको पदावधि सकिन लागेकोमध्ये कांग्रेसको एक जना पनि छैन । सहमति अनुसार एमालेले साविकमध्ये एक सिट गुमाउँदा नेकपाले पाँच सिट गुमाउने भएको छ । त्यस्तै जसपा नेपालले एक सिट गुमाउने देखिन्छ ।
बिज्ञापन
