नेकपा एमालेको प्रारम्भिक मतगणनामा अध्यक्षमा केपी शर्मा ओलीले ईश्वर पोखरेललाई फराकिलो मतान्तरले पछाडि पारिरहेका छन् । पछिल्लो मत परिणाम केलाउँदा केपी शर्मा ओली प्यानलै अगाडि देखिन्छ । अध्यक्ष,उपाध्यक्ष,महासचिव,सचिव लगायतका पदाधिकारीमा ओली प्यानलका उमेद्धारहरु अगाडि देखिएका हुन ।
बिज्ञापन
तेस्रो अपडेट अनुसार,ओलीले ४८९ मत प्राप्त गरेका छन् भने अर्का उम्मेदवार ईश्वर पोखरेल १७७ मत प्राप्त गरेका छन् । त्यस्तै, महासचिवमा शंखर पोखरेलले मतान्तर बढाएका छन् । उनले ३६४ मत प्राप्त गर्दा अर्का उम्मेदवार सुरेन्द्रप्रसाद पाण्डे ३०२ मत प्राप्त गरेका छन् ।
बिज्ञापन
दोश्रो अपडेट अनुसार ओलीको ३३३ र पोखरेलको ११० मत छ । यस्तै एमाले उपाध्यक्षमा पृथ्वी सुब्बा गुरुङ सबैभन्दा अगाडि देखिएका छन्। पछिल्लो मत परिणामअनुसार ११ जना उपाध्यक्षका उम्मेदवारमध्ये गुरुङ सबैभन्दा अघि देखिएका हुन्। उनलाई विष्णु पौडेलले दोस्रो स्थानमा रहेर पछ्याइरहेका छन्।
यस्तै महासचिव पनि ओली पक्षका शंकर पोखरेलले अग्रता बढाएका छन् । पोखरेलले २४९ मत ल्याउँदा १९४ मतमा छन् ईश्वर समूहका सुरेन्द्र पाण्डे ।
बिज्ञापन
यस्तै सचिवमा महेश बस्नेत र छविलाल विश्वकर्माले सर्वाधिक लोकप्रिय मत पाएका छन् । बस्नेत र विश्वकर्मालाई बराबर ३११ मत आउँदा अर्याललाई ३०५ मत आएको छ । चौंथो सर्वाधिक मत शेरधन राईल पाएका छन् । उनलाई अहिलेसम्म ३०० मत आएको छ । टप ९ भित्र अटाएका अन्य ५ उम्मेदवारहरूमा क्रमशः हिक्मत कुमार कार्की यामलाल कँडेल, खगराज अधिकारी, भानुभक्त ढकाल र राजन भट्टराई रहेका छन् ।
