४३ वटा स्थानीय तहले अझैं बजेट पेश गरेका छैनन् । चालु आर्थिक बर्षको प्रथम त्रैमास सकिँदासम्म सात सय ५३ स्थानीय तहमध्ये ४३ स्थानीय तहले अझैं बजेट पेश नगरेका हुन ।
संघीय मामिला मन्त्रालयका अनुसार गण्डकी र सुदूरपश्चिमका सबै स्थानीय तहले बजेट पेश गर्दा बजेट पेश नगर्नेमा कोशी प्रदेशका २,मधेश प्रदेशका ३४,बागमती प्रदेशका २ स्थानीय तह रहेका छन् । यस्तै, लुम्बिनी प्रदेशका चार र कर्णाली प्रदेशका एउटा स्थानीय तह रहेका छन् ।
बिज्ञापन
सङ्घीय मामिला तथा सामान्य प्रशासन मन्त्रालयका अनुसार कोशी इटहरी उपमहानगरपालिका र धरान उपमहानगरपालिकाले बजेट प्रस्तु गरेका छैनन् ।
यस्तै मधेस प्रदेशका सप्तरीका डाक्नेश्वरी नगरपालिका, राजविराज नगरपालिका, अग्निसाइर कृष्णासवरन गाउँपालिका, छिन्न्मस्ता गाउँपालिका, बलान बिहुल गाउँपालिकाका अलवा सिराहाको कल्याणपुर, धनगढीमाई नगरपालिका, सुखीपुर नगरपालिका, धनुषाको जनकपुर उपमहानगरपालिका, क्षिरेश्वरनाथ नगरपालिका, धनुषाधाम नगरपालिका, नगराइन नगरपालिका, मिथिला नगरपालिका, औरही गाउँपालिका, कमला नगरपालिका, जनकनन्दिनी गाउँपालिका, हंपसुर नगरपालिका र धनौजी गाउँपालिकाले चालु आवको बजेट सार्वजनिक गरेका छैनन् । यस्तै,महोत्तरीको सोनमा गाउँपालिका, मलङ्गवा नगरपालिका, सर्लाहीको हरिवन नगरपालिका, चन्द्रनगर गाउँपालिका, रामनगर गाउँपालिका, रौतहटको कटहरिया, देवाही गोनाही नगरपालिका, फतुवा विजयपुर नगरपालिका, यमुनामाई गाउँपालिकाले बजेट सार्वजनिक गरेका छैनन् ।
बिज्ञापन
उता, बाराको महागढीमाई नगरपालिका, सुवर्ण गाउँपालिका, विश्रामपुर गाउँपालिका, पर्साको पोखरिया, पकाहा मैनपुर गाउँपालिका, सखुवा प्रसौनी गाउँपालिका र कालिकामाई गाउँपालिकाले चालु आवको बजेट प्रस्तुत नगरेको मन्त्रालयको विवरणमा उल्लेख छ । बागमती प्रदेशको धादिङको खनियाबास गाउँपालिकाले बजेट प्रस्तुत गरेको छैन ।
लुम्बिनी प्रदेशअन्तर्गत नवलपरासीको पाल्हीनन्दन गाउँपालिका, रूपन्देहीको कोटहीमाई गाउँपालिका, कपिलवस्तुको शुद्धोधन गाउँपालिका, दाङको तुल्सीपुर उपमहानगरपालिकाले चालु आवको बजेट प्रस्तुत गर्न सकेका छैनन् भने कर्णाली प्रदेशअन्तर्गत सल्यानको छत्रेश्वरी गाउँपालिकाले बजेट प्रस्तुत गरेको छैन ।
बिज्ञापन
