नेपाली कांग्रेसका सांसद मोहन बस्नेतको सांसद पद स्वतः निलम्बनमा परेको छ । टेलिकम्युनिकेशन ट्राफिक मोनिटरिङ एन्ड फ्रड कन्ट्रोल सिस्टम’ (टेरामक्स) खरिद प्रकरणमा प्रतिवादी बनाउँदै आज अख्तियारले विशेषमा मुद्धा लगेसँगै उनको पद निलम्बनमा परेको हो ।अख्तियार दुरुपयोग अनुसन्धान आयोगले टेरामक्स खरिदमा बस्नेतसहित १६ जनाविरुद्ध ३ अर्ब २१ करोडभन्दा बढी बिगो र कैद माग गर्दै भ्रष्टाचार मुद्दा दायर गरेपछि उनको सांसद पद निलम्बनमा परेको हो ।
बिज्ञापन
पूर्व सञ्चारमन्त्री बस्नेतले दूरसञ्चार ऐन, २०५३ को दफा १८ र २० मा रहेका नेपाल सरकार मन्त्रिपरिषद्ले मात्र प्रयोग गर्न पाउने अधिकार ९नेपाल दूरसञ्चार प्राधिकरणलाई निर्देशन दिने नेपाल सरकारमा निहित अधिकार० को अपव्याख्या गरी अन्तर्राष्ट्रिय कल अनुगमन,भीओआईपी नियन्त्रणका लागि उपयुक्त उपकरण र प्रणाली सञ्चालन गर्ने भनी निर्देशन दिएको अख्तियारको आरोप छ।
बिज्ञापन
अख्तियार दुरुपयोग अनुसन्धान आयोगले भ्रष्टाचार मुद्दा विशेष अदालतमा दर्ता गरेपछि बस्नेतको सांसद पद निलम्बनमा परेको हो ।
भ्रष्टाचार निवारण ऐन, २०५८ अख्तियार दुरुपयोग अनुसन्धान आयोग, २०४८ मा भएको व्यवस्थाअनुसार सार्वजनिक पदमा भएको व्यक्तिविरुद्ध मुद्दा दर्ता भएमा स्वतः निलम्बन पर्ने व्यवस्था छ ।
बिज्ञापन
बस्नेत २०७९ को चुनावमा सिन्धुपाल्चोक २ बाट निर्वाचित सांसद हुन् । उनी ०७४ मा सञ्चार मन्त्री थिए । सोही समयमा टेरामक्स घोटाला भएको भन्दै अख्तियारले लामो समयको अनुसन्धानपछि आज विशेषमा मुद्धा दायर गरेको हो ।
मुद्दा दायरसँगै बस्नेतको सांसद पद स्वतः निलम्बनमा परेको हो ।यस अघि काँग्रेसकै सांसद टेकबहादुर गुरुङको सांसद पद निलम्बनमा परेको थियो । पूर्व उपप्रधान तथा गृहमन्त्री रवि लामिछाने उपर सम्पत्ति शुद्धीकरणको मुद्धा चलेसँगै उनको सांसद पद निलम्बनमा परेको छ ।
