अख्तियार दुरुपयोग अनुसन्धान आयोगले पूर्व मन्त्री तथा काँग्रेसका सासद मोहन बस्नेतसहित १६ विरुद्ध भ्रष्टाचार मुद्धा दायर गरेको छ ।
बिज्ञापन
अख्तियारले टेरामक्स घोटला प्रकरणमा पूर्वमन्त्री बस्नेतसहित १६ जनाविरुद्ध भ्रष्टाचार मुद्दा दायर गरेको हो । बस्नेतसहित अन्य १५ जना र कम्पनी उपर बिगो ३ अर्ब २१ करोड ८३ लाख ७७ हजार १८२ बिगो मागदाबीसहित विशेषमा आज मुद्धा दायर गरिएको हो ।
बिज्ञापन
जसमा नेपाल दूरसञ्चार प्राधिकरणका तत्कालीन अध्यक्ष दिगम्बर झा,उनी पछिका अध्यक्ष पुरुषोत्तम खनाल, प्राधिकरणका सदस्यहरू धनराज ज्ञवाली र टीकाप्रसाद उप्रेतीका अलवा दूरसञ्चार प्राधिकरणका निर्देशकहरू विजयकुमार राय, रेवती राम पन्थ, उपनिर्देशक सुरेश बस्नेत, हिरण्यप्रसाद बस्ताकोटी र अच्युतानन्द मिश्र, सुरेन्द्रलाल हाडा र दीपेश आचार्य तथा उपनिर्देशक सन्दीप अधिकारीविरुद्ध पनि मुद्दा दायर गरिएको छ ।
यसका अलावा परामर्शदाता कम्पनी भ्यानराइज सोलुसन र सोका मुख्य व्यक्ति जमाल अनोति तथा उक्त कम्पनीको लोकल एजेन्ट कनेक्सन ट्रेड लिंक प्रालि, काठमाडौंका अध्यक्ष दिलिपकुमार गुरुङ तथा निर्देशक तेजप्रसाद खरेललाई पनि प्रतिवादी बनाइएको छ ।
बिज्ञापन
भ्रष्टाचार मुद्धा लागेसँगै नेपाली काँग्रेसका सांसद मोहन बस्नेत पदबाट निलम्बित भएका छन् । यस्तै भ्रष्टाचार मुद्धा चलेका ज्ञवाली कानुन, न्याय तथा संसदीय मामिला मन्त्रालयबाट ८० साल साउन ५ मा अवकाश पाएका हुन । अन्य मुद्धा चलेकामा दिगम्बर झा,पुरुषोत्तम खनालहरु यस अघि नै भ्रष्टाचार मुद्धामा परिसकेका पूर्व अध्यक्षहरु हुन ।
