कर्मचारीलाई कुटपिट गर्ने वडा अध्यक्ष पक्राउ परेका छन् । कार्यक्रमको बिल स्वीकृत गर्न नमानेको भन्दै वडा सचिवको घाँटी अठ्याएर, चड्कन हान्ने तनहुँ गाउँपालिका ६ का अध्यक्ष बलबहादुर गुरुङलाई प्रहरीले नियन्त्रणमा लिएको हो ।
बिज्ञापन
सोमबार बिहान गुरुङले वडासचिव नवीन भुसालको घाँटी अठ्याउँदै चड्कन हानेका हुन् । गत माघमा सञ्चालन भएको वडास्तरीय भलिबल कार्यक्रमको कार्यक्रम स्वीकृत नगरिएकाले र शीर्षक नखुलाई आएको विल स्वीकृत गर्न नसक्ने अडान लिए पछि कार्यकक्षमै वडा अध्यक्षले सचिवमाथि हातपात गरेका थिए ।
बिज्ञापन
सो घटना पछि वडाध्यक्षविरुद्ध इलाका प्रहरी कार्यालय बन्दीपुर, जिल्ला प्रशासन कार्यालय तनहुँमा उजुरीसमेत दिइएको थियो ।
घटना घटेको आठ घण्टा पछि वडा अध्यक्ष गुरुङलाई प्रहरीले पक्राउ गरेको छ ।
वडा अध्यक्षको प्रहारबाट वडासचिवको घाँटी र गालामा निल डाम छ । उनलाई बन्दीपुर अस्पतालमा प्रारम्भिक उपचारपछि भरतपुर अस्पताल रिफर गरिएको छ ।
बिज्ञापन
यता गाउँपालिकाका कर्मचारीहरूले वडासचिवमाथि घाँटी नै अठ्याएर र हातपातसमेत भएकाले कडा कारबाहीको माग गरेका छन् । यस्तै जिल्लाका कर्मचारी ट्रेड युनियनले समेत वडाध्यक्षमाथि कडा भन्दा कडा कारवाहीको माग गरेका छन् ।
अध्यक्ष गुरुङ एमालेबाट निर्वाचित जनप्रतिनिधि हुन् ।
