संघीय मामिला तथा सामान्य प्रशासन मन्त्रालयले २२ जना अधिकृतहरुको सरुवा गर्दा ५ जनालाई मात्र स्थानीय तहमा खटाउन सकेको छ । मन्त्रालयले मंगलबार गरेको सरुवा अनुसार,गृह मन्त्रालय अन्तर्गत गत रहेका कृष्ण प्रसाद गौतमलाई फुङलिङ नगरपालिका,सावन कुमार चौधरी खाडाचक्र नगरपालिकामा खटाएको छ भने सर्केगाड गाउँपालिका हुम्ला पुगेका छन्,नारायणप्रसाद भण्डारी,प्रदीप पौडेललाई जिसस ओखलढुङ्गामा खटाइँदा हरिशंकर यादवलाई जिसस रामेछाप पठाइएको छ । शिरिष उपाध्याय खाँडादेवी गाउँपालिका,गणेश बास्ताकोटीलाई चिसखुगढी गाउँपालिकामा खटाइएको छ । बाँकी अधिकृतहरुलाई सिंहदरबारस्थित मन्त्रालय,निजामती किताबखाना,राष्ट्रिय दलित आयोग लगायतका निकायमा जिम्मेवारी दिएर पठाइएको छ ।
बिज्ञापन
यस्तै हिजोमात्र सामान्य प्रशासन मन्त्रालयले ३० उपसचिवको सरुवा गरेको थियो । लामो समयदेखि संघीय मामिला तथा सामान्य प्रशासन मन्त्रालयको अतिरिक्त समूहमा रहेका ती उपसचिवको खटन पटन गरिँदा ४ जना स्थानीय तहमा प्रमुख प्रशासकीय अधिकृतको जिम्मेवारी दिएर खटाइएको छ भने ४ उपसचिवलाई जिल्ला समन्वय समितिमा खटाइएको छ । १४ जनाले मन्त्रालयको जिम्मेवारी पाएका छन् भने बाँकी ८ जना आयोगतिर पुगेका छन् ।
बिज्ञापन
प्रधानमन्त्री तथा मन्त्रिपरिषद्को कार्यालयले तीन दिन भित्रमा कर्मचारी व्यवस्थापन गर्न गृह र संघीय मामिला तथा सामान्य प्रशासन मन्त्रालयलाई कडा निर्देशन दिएको भोलिपल्टै सामान्यले लामो समयदेखि बरण्डामा रहेका ती उपसचिव र अधिकृतहरुलाई विभिन्न निकायमा खटाएको हो । यद्यपि सामान्यले स्थानीय तहमा भने कर्मचारी खटाउनै सकेको छैन । मन्त्रालयका अनुसार अझैं २५० बढी स्थानीय तहमा प्रमुख प्रशासकीय अधिकृत छैनन् । मन्त्रालयले ५२ जना अधिकृतस्तरका कर्मचारी सरुवा गर्दा जम्मा ९ जना कर्मचारीलाई मात्र स्थानीय तहमा खटाउन सकेको छ । बाँकी कर्मचारीहरुले सिंहदरबारस्थित मन्त्रालय,आयोगहरुमा सरुवा पाएका छन् ।
saruwa officersबिज्ञापन
