वेवारिसेहरुको अभिभावक विनजजंग बस्नेतलाई ललितपुर महानगरपालिकाले सम्मान गरेको छ । ललितपुर महानगरपालिका १ सय ६ओैं स्थापना दिवसको अवसरमा प्रधानमन्त्री केपी शर्मा ओलीको हातबाट बस्नेतलाई पुरस्कृत गरिएको हो ।
बिज्ञापन
विगत एक दशकभन्दा बढी समयदेखि सडक,अस्पतालमा भेटिएका वेवारिसे शवको सद्गद् तथा व्यवस्थापन गर्दै आएका बस्नेतलाई नगद रु एक लाख सहितको महानगर गौरव पुरस्कारद्धारा पुरस्कृत गरिएको हो ।
बिज्ञापन
बस्नेतको संस्था एक्सन फर सोसल चेञ्जले पछिल्ला एक दशक अवधिमा देशैभरबाट ५ हजार ६ सय भन्दा बढी वेवारिसे शवको सद्गद् तथा व्यवस्थापन गरिसकेको छ ।
कलिलै उमेरमा आमा गुमाउनु, बुबा गाडी दुर्घटनामा परेर बित्नु र जीवनसंगिनीले पनि त्यही बेलामा छाडेर गएपछि सुरु भएको थियो बस्नेतको जीवनको कठिन परीक्षाको घडी । भन्छन नि जीवनमा सबैथोक खानु तर हरेश नखानु । हो, हरेश खाएनन् उनले । दुव्र्यसनबाट तग्रिएका उनको मोडिएको थियो एक दशक अगाडि बाटो ।
बिज्ञापन
त्यस पछि होमिए वेवारिसेहरुको जीवन र मुहारमा खुसी भर्न । आफू रित्तिएर पनि ऋणमा डुबेर भए पनि उनी निरन्तर क्रियाशिल रहे वेवारिसेहरुको उपचारदेखि शवको व्यवस्थापनसम्ममा । एउटा शवको सदगद् गर्न झण्डै १० हजार बढी खर्च लाग्ने गरेको छ । आम्दानीको स्रोत कोही छैन । बेवारिस लास जलाउने पैसा नहुँदा सहकारीको चर्को ब्याजको ऋृण, आफैँले चढिरहेको बाइक कैयौंपटक धरौटीमा राखेका छन् । घर नै बैंकमा धितो राखेर ऋण लिएर बेवारिस लासको निस्वार्थ सद्गद गर्ने काम गर्दै आइरहेका बस्नेतको कर्मको एक दशक पछि राज्यले कदर गरेको हो ।
यस अघि काठमाडौँ महानगरपालिकाले ३ लाख सहयोग दिएको थियो । संस्थाको नाममा आफ्नो बैंक खाता नहुँदा उक्त रकम ढुस हुन पुगेको थियो ।
