बिज्ञापन
संघीय मामिला तथा सामान्य प्रशासन मन्त्रालयले वैदेशिक अध्ययन तथा तालिमका लागि २७ जना अधिकृतको मनोनयन गरेको छ ।
बिज्ञापन
मन्त्रालयले नेपाल प्रशासन सेवा सामान्य प्रशासन समूहका २६ र कानुन समूहका १ गरी २७ जना अधिकृतस्तरका कर्मचारीहरुलाई वैदेशिक अध्ययन तथा तालिमका लागि मनोनयन गरेको जनाएको छ । जसमा उपसचिव तहका २ जना, विभिन्न स्थानीय तहमा कार्यरत १५ अधिकृतहरु मनोनयमा परेका छन् ।
निजामती सेवा ऐन २०४९ को दफा ४० ख को उपदफा ३ बमोजिम गठित समितिले गत असोज ७ को बैठकबाट संघीय निजामती सेवाका,कर्मचारी समायोजन ऐन,२०७५ बमोजिम प्रदेश र स्थानीय तहमा समायोजन भएका,लोकसेवा आयोगको सिफारिसमा स्थानीय तहमा नियुक्त भएका र प्रदेश लोकसेवा आयोगबाट सफारिस भइ प्रदेश तथा स्थानीय तहमा नियुक्त भएका उपयुक्त कर्मचारीलाई मनोनयन गर्ने गरी सबै निकायलाई खुला गरिएको द प्रोजेक्ट फर ह्युमन रिर्सोस डेभलपमेन्ट स्कलरसीप वाइ जापान ग्राण्ड एड २०२५ अध्ययन छात्रबृत्तिका लागि सचिवस्तरीय निर्णयबाट २७ कर्मचारी मनोनयन गरिएको मन्त्रालयले जनाएको छ ।
बिज्ञापन
जसमा हाल युवा मन्त्रालयमा कार्यरत किरण चौधरी,राष्ट्रिय समावेशी आयोगमा कार्यरत सुनिता पहारी,दिलकृष्ण श्रेष्ठ,सत्य निरुपण तथा मेलमिलाप आयोगमा कार्यरत सजना कार्की,संघीय मामिला तथा सामान्य प्रशासन मन्त्रालयमा कार्यरत रही हाल कामकाजमा नर्पाभूमी गाउँपालिकामा खटिएका सुशील लम्साल,सामान्य प्रशासनकै नगेन्द्र सुवेदी, शर्मिला न्यौपानेलाई मनोनयन गरिएको छ । यस्तै स्थानीय तह परशुराम नगरपालिकाको कल्पना भट्ट,पञ्चकन्या गाउँपालिकामा कार्यरत कृष्णकुमारी पौडेल,भूमि व्यवस्था मन्त्रालय,मधेश प्रदेशमा खटिएका राममणि अधिकारी,निस्दि गाउँपालिका पाल्पामा कामकाजमा खटिएका मदन अर्याल मनोनयनमा परेका छन् ।
यस्तै कामकाजमा सामाजिक विकास मन्त्रालय म्याग्दीमा खटिएका रमेश थापा,लुग्री गाउँपालिका रोल्पामा कार्यरत चक्रबहादुर घर्ती,ठाकुरबाबा नगरपालिकामा कार्यरत उपसचिव नारायणप्रसाद ढकाल,मुख्यमन्त्री तथा मन्त्रिपरिषद्को कार्या य कर्णाली प्रदेशमा कार्यरत डिनायट घर्ती पनि मनोनयनमा परेका छन् ।
भिमसेन थापा गाउँपालिका गोरखामा कार्यरत चित्रबहादुर अधिकारी,बरेड गाउँपालिकामा खटिएका खड्क विक,चुमनुब्री गाउँपालिकामा कार्यरत मनोज लामिछाने,चौकुने गाउँपालिकामा कार्यरत नगेन्द्र प्रसाद रिजाल,बन्दिपुर गाउँपालिकामा खटिएका यादवराज अचार्य,त्रिपुरासुन्दरी गाउँपालिकामा कार्यरत जयबहादुर वाइवा,मुख्यमन्त्री तथा मन्त्रिपरिषद्को कार्यालय सूदुरपश्चिममा कार्यरत उपसचिव शेखरकुमार रोकाया,थुलुङ,दूधकोसी गाउँपालिकामा कार्यरत शाखा अधिकृत प्रसन्नद्धीप राई,महावु गाउँपालिकामा खटिएका उदयराज उपाध्याय,रघुगंगा गाउँपालिकाका चेतनारायण भण्डारी र जिसस धनुषामा कार्यरत सुवोध कुमार महतो छनौंटमा परेका छन् । जसमा स्थानीय तहमा कार्यरत १५ अधिकृतहरु मनोनयमा परेका छन् ।
