पोखरा महानगरपालिकाले करार सेवामा कार्यरत कर्मचारीलाई कात्तिक महिनासम्मको तलब दिएर बिदा गर्ने भएको छ । महानगरको कार्यपालिका बैठकले यस्तो निर्णय गरेको हो ।
पोखरा महानगरपालिकामा करारका कर्मचारी हटाउनुपर्ने माग सहित कांग्रेसले महानगरमै तालाबन्दीको चेतावनी दिएपछि समस्या समाधान गर्न कार्यापालिका बैठक बसेको थियो उक्त बैठकले करार सेवाका कर्मचारीहरुको अन्तिम पटक कात्तिकसम्मको म्याद थपेको छ । महानगरपालिकामा अहिले करारका कर्मचारीले भरिएका छन् ।
बिज्ञापन
लोकसेवा आयोगबाट दरबन्दी अनुसारका इन्जिनियर र ओभरसियर पठाइसकेको छ । सोही पदमा महानगरले पनि करारमा कर्मचारी भर्ना गरेपछि दोहोरो खर्च भएको भन्दै कांग्रेस विरोधमा उत्रिएको हो ।
बिज्ञापन
यही बिषयमा लफडा हुँदा काँग्रेस तालाबन्दीमै उत्रने अवस्था आएको थियो । तर मेयर धनराज आचार्य र कांग्रेस दलका नेता दिवसमान प्रधानाङ्गबीच भएको छलफलमा बिहीबार कार्यपालिका बैठक बसेर यस्तो निर्णय गरिएको महानगरपालिकाले जनाएको छ ।
कात्तिकपछि करार कर्मचारीको म्याद थप नगरिने बिषयमा सर्वसहमतबाट निर्णय भएको महानगरपालिकाले जनाएको छ।
बिज्ञापन
