आम जनता पार्टी (आजपा) का अध्यक्ष तथा सांसद प्रभु साहले नेकपा एमालेले भाटभटेनीका सञ्चालकसँग खुलमखुला घुस लिएको आरोप लगाएका छन् ।
बिज्ञापन
सिरहाको गोलबजारमा मंगलबार आयोजित शुभकामना आदानप्रदान तथा भेटघाट कार्यक्रममा नेकपा एमालेले भाटभटेनीका सञ्चालकसँग खुलमखुला घुस लिएको आरोप लगाएका हुन् ।
बिज्ञापन
‘यो खुलमखुला घुस हो,’ उनले प्रश्न गरे, ‘यदि त्यसो होइन भने के उहाँले हामीजस्ता गरिब पार्टीलाई दान दिनुहुन्छ त ?’
`अर्वौको सम्पत्ति भएको, केन्द्रदेखि प्रदेश, पालिका सरकारमा सहभागी नेकपा (एमाले) लाई जग्गा दान गरि पार्टी कार्यालय बनाइदिने भाट्भटेनीका संचालक मिनबहादुर गुरुङले हामी जस्तो गरिब पार्टीको कार्यालय पनि बनाइदिए हुन्थ्यो नि ! अर्बौंको सम्पत्ति एक अरबपति पार्टीलाई दान गरिएको छ । दान त गरिब, असहाय, निमुखालाई पो गरिन्छ । प्रधानमन्त्री, मन्त्री, मुख्यमन्त्री, मेयर भएको पार्टीलाई यो दान नभई खुलमखुल्ला घुस दिएको हो´ आजपा अध्यक्ष साहले भने ।
बिज्ञापन
एमालेसंग लाखौं सदस्य भएको अर्बपतिको पार्टी भएको बताउदै उनले सदस्यहरुबाटै १००/१०० रुपैयाँ चन्दा उठाएर पनि पार्टी कार्यालय बनाउन सक्ने सक्थ्यो तर घुसमा पाएको जग्गा र कार्यालय पाएर एमालेजन रमाएको बताए ।
