बाढीपहिरो र डुबानमा परी हालसम्म १ सय जना २ जनाको मृत्यु भएको छ भने ६७ जना बेपत्ता भएका छन् । विपदमा परी १०१ जना घाइते भएको प्रहरीले जनाएको छ ।
बिज्ञापन
बाढी पहिरोमा परी ललितपुर, धादिङ, काठमाडौँ, काभ्रे, मकवानपुर, सिन्धुपाल्चोक, सोलुखुम्बु, पाँचथर, भक्तपुर, दोलखा, सिन्धुली, धनकुटा, महोत्तरी, रामेछाप, झापा, उदयपुर , इलाम, सप्तरी र नुवाकोटमा बढी मानवीय क्षति भएको प्रहरीले जनाएको छ । प्रहरीका अनुसार सबैभन्दा बढी उपत्याकामा ज्यान गुमाएका छन् । जसमा काठमाडौंमा काठमाडौंमा २५,ललितपुरमा १८ र भक्तपुरमा ५ जना गरी ४८ जना काठमाडौं उपत्याकामै रहेका छन् । यस्तै काभ्रेमा १२,सिन्धुलीमा २, धादिङ २, मकवानपुर ७, सिन्धुपाल्चोक ९ जना, दोलखा ३,नुवाकोटमा १,सोलुखुम्बु ५, धनकुटा २,झापा १,सोलुखुम्बुमा ५ जनाले ज्यान गुमाएका प्रहरीको आँकडा छ । कोशी प्रदेशमा १५,मधेशमा २,बाग्गमतीमा ३७,उपत्याकामा ४८ गरी कूल १०२ जनाले ज्यान गुमाएको प्रहरीले जनाएको छ ।
बिज्ञापन
काठमाडौंमा एक हजार तीन सय २४, ललितपुरमा पाँच सय र भक्तपुरमा चार सय १७ गरी उपत्यकामा दुई हजार दुई सय ४१ घर डुबानमा परेका छन् । विपद्का घटनाको उद्धार र राहत कार्यमा काठमाडौँमा तीन हजार ६०, ललितपुरमा एक हजार एक सय र भक्तपुरमा तीन सय ५० जना प्रहरी खटिइएको उपत्यका प्रहरीका कार्यालयले जनाएको छ ।
गृह मन्त्रालयका अनुसार बाढीपहिरो प्रभावित क्षेत्रमा खोजी र उद्धारका लागि नौ हजार नौ सय ८३ सुरक्षाकर्मी परिचालन गरिएका तथा हालसम्म तीन हजार ३९ जनाको उद्धार गरिएको छ ।
बिज्ञापन
