अख्तियार दुरुपयोग अनुसन्धान आयोगले नगरपालिकाका मेयर,उपमेयर,प्रमुख प्रशासकीयसहित ११ विरुद्ध भ्रष्टाचार मुद्धा चलाएको छ । गोदावरी नगरपालिकामाझैं बहालवाला मेयर,उपमेयर,प्रमुख प्रशासकीयविरुद्ध भ्रष्टाचार मुद्धा चलाएसँगै पालिका रिक्त भएको छ ।
बिज्ञापन
अख्तियारले रौतहटको कटहरिया नगरपालिकाका मेयर,उपमेयर,प्रमुख प्रशासकीयसहित ११ विरुद्ध भ्रष्टाचार मुद्धा चलाएको छ । मेयर अजय प्रकाश र उपप्रमुख रिता देवी, नगरपालिकाका प्रमुख प्रशासकीय अधिकृत रामप्रकाश साह, इन्जिनियर राजेशकुमार साह, योजना शाखा प्रमुख रामनरेशप्रसाद यादव, कार्यपालिका सदस्य समिशविक्रम शाह, कार्यपालिका सदस्य मनोजप्रसाद जैसवाल, इन्जिनियर मो. मकसुद आलम, बौद्धिमाई उपभोक्ता समितिका अध्यक्ष सरोजकुमार साह, कोषाध्यक्ष बबिलाकुमारी चौधरी र सचिव योगेन्द्र साहलाई प्रतिवादी बनाएर अख्तियारले मुद्धा दायर गरेको हो ।
बिज्ञापन
कटहरिया नगरपालिका–२ स्थित जमुनिया बजारमा रहेको अधुरो सामुदायिक भवनमा आर्थिक वर्ष २०७८ ०७९ मा टायल्सको कामका लागि रकम विनियोजन भएको थियो । स्वीकृत लागत अनुमान बमोजिम कार्य नगरी कमसल कार्य गरी अनियमितता गरेको भन्ने उजुरी परेपछि अख्तियारले अनुसन्धान सुरु गरेको थियो ।
अनुसन्धान हुँदा उनीहरूले भएको कामभन्दा १२ लाख ५२ हजार ९४१ रुपैयाँ बढी भुक्तानी गरेको पाइएको अख्तियारले जनाएको छ । हित ११ जनाविरुद्ध भ्रष्टाचार मुद्दा दायर गरेको छ ।उनीहरूले १२ लाख ५२ हजार ९४१ रुपैयाँ भ्रष्टाचार गरेको ठहर गर्दै अख्तियारले बिहीबार विशेष अदालत काठमाडौंमा मुद्दा दायर गरेको हो ।
बिज्ञापन
अख्तियारले यस अघि गोदावरी नगपालिकाका मेयर,उपमेयर,प्रमुख प्रशासकीयलाई भ्रष्टाचार मुद्धामा डाम्दा ती सबै निलम्बित छन् । यस्तै यस्तै सर्लाहीको बागमती नगरपालिकामा समेत मेयर,उपमेयरविरुद्ध अख्तियारले भ्रष्टाचार मुद्धा चलाइसकेको छ ।हालसम्म चार वटा पालिकाका मेयर,उमपेयरलाई नै भ्रष्टाचार मुद्धा चलेर पालिका रिक्त हुन पुगेको छ ।
