पछिल्लो समय एक पछाडि अर्काे स्थानीय तहका प्रमुख प्रशासकीय अधिकृतहरु भ्रष्टाचार मुद्धामा तानिरहेका छन् । यही आर्थिक बर्षमा मात्र ४५ जना प्रमुख प्रशासकीय अधिकृतविरुद्ध भ्रष्टाचार मुद्धा चलेको छ ।
तिनै प्रमुख प्रशासकीय अधिकृतको भीडमा अर्काे शाखा अधिकृत पनि थपिएका छन् । अख्तियारले मकवानपुरको मनहरी गाउँपालिकाका तत्कालीन प्रमुख प्रशासकीय अधिकृतलाई भ्रष्टाचार मुद्धा चलाएको हो ।
अख्तियारका अनुसार,लोथर हाङ्गलाङ्ग फरिवाङ्ग पाङ्गथली सडक स्तरोन्नतिका लागि विनियोजित बजेट हिनामिना गरेको आरोपमा तत्कालीन प्रमुख प्रशासकीय अधिकृत देवराज चौलागाईसहित तीन जनाविरुद्ध विशेष अदालत काठमाडौंमा मुद्दा दायर गरिएको आयोगले जनाएको छ ।
बिज्ञापन
आयोगले चौलागाईं, तत्कालीन इन्जिनियर अमितकुमार ठाकुर र प्रतीक्षा निर्माण सेवाका निर्माण व्यवसायी बुद्धिराज कँडेलविरुद्ध ३ लाख ९१ हजार ९२९ रुपैयाँ बिगो कायम गरी मुद्दा दायर गरिएको आयोगले जनाएको छ । सडक स्तरोन्नति कार्यमा अनियमितता भएको उजुरी आयोगमा अनुसन्धान गर्दा योजनाको यथार्थभन्दा बढी मूल्याङ्कन गरेको, निर्धारित सर्त तथा मापदण्ड पालना नगरेको पाइएपछि उनीहरूविरुद्ध मुद्दा दायर गरेको जनाएको छ ।
चालु आर्थिक बर्षमा मात्र अख्तियारले विभिन्न पालिकाको ४५ प्रमुख प्रशासकीयविरुद्ध भ्रष्टाचार मुद्धा चलाएको १७ जनाले सफाइ पाएका छन् २८ निलम्बनमा परेका छन् । त्यही भीडमा शाखा अधिकृत चौलागाई पनि थपिएका हुन ।
बिज्ञापन
