मदाने गाउँपालिका गुल्मीले उमेर पुगेर विवाह गर्ने दम्पत्तिहरुलाई सम्मान गरेको छ । गुल्मीको मदाने गाँउपालिकाको वडा नम्बर एक अग्लुङ्गमा उमेर पुगेपछि विवाह गर्ने जोडीलाई सम्मान गरिएको छ । उमेर पुगेर विवाह गर्ने जोडीलाई सम्मान गरिएको वडाध्यक्ष सुशील चन्दले जनाएका छन् ।
बिज्ञापन
शैक्षिक उत्प्रेरणा कार्यक्रम अन्तर्गत सामाजिक सचेतनाका लागि २० बर्ष उमेर पुरा गरी विवाह गर्ने नव जोडीलाई वडा कार्यालयले सम्मान गरेको हो । ‘विवाहवारी–२० वर्ष पारी’ भन्ने मुख्य उद्देश्यका साथ वालविवाह न्यूनीकरण गर्न उक्त अभियान चलाएको वडाध्यक्ष चन्दले बताए । वडाले असल बुहारी तथा छोरीहरूलाई पनि सम्मान गरेको छ । बैदेशिक रोजगारीका क्रममा धेरै जसो छोराहरू प्रदेश जाने र बुहारीहरू छोराछोरी पढाउने भन्दै सहर पस्ने चलन बढेको छ । बुहारीहरू शहर पसेसँगै गाउँमा बृद्ध बृद्धाहरू एक्लै हुन थालेका छन । सोही कारण बृद्ध बुबाआमाले दुख पाएको अबस्थामा सासुससुरा तथा बुबाआमा सँगै रहेर पालनपोषण गरेका केही बुहारी तथा छोरीहरूलाई पनि वडाले सम्मान गरेको हो ।
बिज्ञापन
शैक्षिक उत्प्रेरणा कार्यक्रम अन्तर्गत १० जना असल बुहारीलाई पनि सम्मान गरिएको छ । वडाले उत्कृष्ट शिक्षक, उत्कृष्ट किसान, उत्कृष्ट विद्यार्थी, उत्कृष्ट कर्मचारी र उत्कृष्ट सामाजिक संघ संस्थाहरू लाई सम्मान गर्नुका साथै कार्यक्रममा एसइईमा उत्कृष्ट हुने विद्यार्थीलाई १० हजार, कक्षा ८ मा उत्कृष्ट हुनेलाई पाँच हजार तथा कक्षा ५ मा उत्कृष्ट हुने विद्यार्थीलाई ३ हजार नगद सहित सम्मान गरिएको थियो ।
विभिन्न बिधामा रहेर वडामा योगदान गर्नेहरूलाई दोसल्ला सम्मानपत्र सहित सम्मान गरिएको वडाध्यक्ष सुशील चन्दले जानकारी दिए ।
बिज्ञापन
मदाने गाउँपालिकाको वडा नम्बर १ मा गत निर्वाचनमा नेपाली काँग्रेसका तर्फबाट निर्वाचित युवा सुशील चन्दले वडामा यस्तै प्रकारका सन्देश मुलक काम हरु गर्नका साथै बिकासका काममा पनि अग्रसरता देखाएका छन् ।
