एक जना हाकिमले प्रदेश सरकारको मुख्यमन्त्री तथा मन्त्रिपरिषद् कार्यालयको निर्णय नै लत्याइदिएका छन् । तीन महिना अघि नै कार्यालयको प्रमुखको सरुवा अन्यन्त्र गरिए पनि उनी उक्त अड्डा भदौ महिनासम्म नछाड्ने अडानमा छन् । यसरी मुख्यमन्त्री तथा मन्त्रिपरिषद्ले गरेको सरुवाको निर्णय उल्टाइदिने हाकिम हुन रमेश गौतम ।
बिज्ञापन
गौतम अहिले दाङको तुल्सीपुरस्थित यातायात व्यवस्था कार्यालयमा कार्यरत छन् । उनी गत असार ११ गते उक्त कार्यालयको प्रमुखको कुर्सीमा आइपुगेका हुन । गत १९ फागुनमा उनलाई त्यहाँबाट सरुवा गर्ने निर्णय गरेका थियो मुख्यमन्त्री तथा मन्त्रिपरिषद्को कार्यालयले । १९ फागुनमा उनको सरुवा उद्योग तथा यातायात व्यवस्था मन्त्रालय देउखुरीमा भयो । मुख्यमन्त्री कार्यालयको सचिवस्तरको बैठकले गरेको उक्त निर्णय भोलिपल्टै चलानी गरिए पनि हालसम्म कार्यान्वयन भएको छैन ।
बिज्ञापन
कर्मचारी प्रेसलाई प्राप्त पत्र अनुसार,पत्र संख्या ०८०/८१, चलानी नम्बर १५१९ को पत्रानुसार उनलाई उद्योग तथा यातायात व्यवस्था मन्त्रालयमा खटाइएको छ । तर हालसम्म रमाना नलिएपछि गौतम कार्यालय प्रमुखको जिम्मेवारीमा नै छन् । उनको सरुवापछि मुख्यमन्त्री कार्यालयबाट सरुवा भएर त्यहाँ हाजिर हुन आएका आठौं तहका अधिकृत विनोद पौडेललाई मोटरसाइकल फाँटको जिम्मेवारीमा सीमित गराइएको छ ।
सरुवा भएर समेत रमाना नबुझि सोही कार्यालयमा बसेर गन्जागोल बनाएको कर्मचारीहरुकै भनाई छ । विभिन्न ट्रायल सेन्टरहरुले कुरो नमिलेपछि कार्यालय प्रमुखले दुःख दिने गरेको आरोप छ,उनीमाथि । घरभाडाकै बिषयमा समेत गोलमाल गरिएको आरोप छ उनीमाथि । सवारी चालक अनुमतिपत्र जारीलगायत कार्यालय खर्चमा मनोमानी गरिएको समेत एकाथरी कर्मचारीको आरोप छ उनीमाथि ।
गौतम तिनै कर्मचारी हुन,यसअघि मुख्यमन्त्री कार्यालयबाट रुपन्देहीको एक स्थानीय तहमा सरुवा भएका उनलाई पालिकामा हाजिर नगराई फर्काइएको थियो । तत्कालीन मुख्यमन्त्री डिल्ली चौधरीको ‘ग्रीन सिग्नल’ पछि उनी त्यताबाट सोझै यातायात कार्यालयमा सरुवा भएका थिए ।
बिज्ञापन
स्मरण रहोस यस अघि बुटवल यातायात कार्यालयमा कार्यरत उपसचिव महेश पाण्डेले सरुवा थमौती खोजेपछि संघ सरकारले प्रहरी नै लगाएर उठाउनु परेको थियो । बुटबल यातायात कार्यालयमा कार्यरत उपसचिव पाण्डेलाई महागढीमाई नगरपालिका बाराको प्रमुख प्रशासकीय अधिकृतमा सरुवा गरेको थियो । यातायात व्यवस्था कार्यालय सवारी चालक अनुमति पत्र बुटवल, रुपन्देहीका कार्यालय प्रमुख रहेका पाण्डेले रमाना नलिएपछि संघ सरकारले प्रहरी नै लगाएर उठाउन खोजेको थियो । उनैm महेश फेरि यातायाततिरै फर्कने चाँजोपाँचो मिलाउँदै छन् । हालैमात्र सामान्य प्रशासनले गरेको सरुवा सूची अनुसार उनी जिसस नवलपरासीबाट मुख्यमन्त्री तथा मन्त्रिपरिषद्को कार्या य लुम्बिनी प्रदेशमै फर्किएका छन् ।
