राप्रपाले हालै काठमाडौंमा गरेको आन्दोलनका क्रममा सरकारी सम्पत्तिमा क्षति भएको भन्दै काठमाडौं महानगरपालिकाले जरिवाना तिर्न राप्रपालाई पत्र पठाएको छ ।
गत चैत २७ गते राप्रपाको आन्दोलनमा प्रदर्शनकारी भृकुटीमण्डपबाट माइतीघरतर्फ जाँदै गर्दा झडप भएको थियो । सोही क्रममा भद्रकाली ट्राफिक आइल्याण्डमा क्षति पुगेको भन्दै महानगरले राप्रपालाई जरिवाना तिराउने निर्णय गरेको छ ।
बिज्ञापन
महानगरका अनुसार राप्रपाले ट्राफिक आइल्याण्डको मर्मत गर्न लाग्ने शुल्क २२२ रुपैयाँ र फोहोरमैला व्यवस्थापन ऐन, २०६८ को दफा ३९ बमोजिम ५ हजार जरिवाना तिर्नुपर्ने भएको छ ।
बिज्ञापन
यसका लागि महानगरले आज आफ्नो बैंक खाता नम्बरसहितको पत्र धुम्बाराहीस्थित राप्रपाको पार्टी कार्यालयमा पठाएको हो ।
बिज्ञापन
