पूर्व सञ्चारमन्त्री,पूर्व स्वास्थ्य मन्त्रीदेखि हाइप्रोफाइलवाला मुख्यसचिवसँग समेत बयान लिइरहेको अख्तियारले अर्काे ठूला माछासँग पनि बयान लिएको छ ।
बिज्ञापन
नागरिक उड्डयन प्राधिकरणका महानिर्देशक प्रदीप अधिकारीले अख्तियार दुरुपयोग अनुसन्धान आयोगमा पुगेर बयान दिएका छन् । अधिकारी अख्तियारमा पुगेर गत बिहिबारदेखि बयान दिएका हुन । उनीसँग अख्तियारले २० घण्टा भन्दा बढी समय लगाएर अन्तिम बयान लिएको अख्तियारले जनाएको छ । टंगाल स्रोतका अनुसार अधिकारी गत बिहिबार,शुक्रवार अन्तिम बयानका लागि टंगाल पुगेका थिए ।
बिज्ञापन
पोखरा अन्तराष्ट्रिय बिमानस्थलको निर्माणको क्रममा भएको अनियतितमा प्रकरणमा अख्तियारले अघिल्लो सातादेखि उनीसँग बयान लिन प्रारम्भ गरेको थियो । अधिकारी पछिल्लो चार दिनसम्म टंगाल पुगेर बयान दिएर फर्किएका हुन ।
महालेखापरीक्षकको कार्यालयले प्रकाशन गरेको ६० औं प्रतिवेदनमा पोखरा अन्तर्राष्ट्रिय विमानस्थल निर्माणका क्रममा घोटाला भएको उल्लेख गरेको थियो । चीनको २२ अर्ब रुपैयाँ ऋणमा विमानस्थल निर्माण गरिएको थियो । अख्तियारले पोखरा विमानस्थल निर्माणका क्रममा भ्रष्टाचार भएको उजुरी माथि छानबिन सुरु गरेको थियो ।
बिज्ञापन
प्रेम बहादुर आले पर्यटनमन्त्री हुँदा बरिष्ठ कर्मचारीहरुलाई पाखा लगाउँदै कनिष्ठ कर्मचारी प्रदीप अधिकारीले त्यहाँ महानिर्देशकको जिम्मेवारी पाएका थिए,०७८ साल माघ १७ गते उनले महानिर्देशकको पदबहाली गरेका थिए । अधिकारी ०६४ सालमा प्राधिकरणमा सातौं तहमा इन्जिनियरका रुपमा सेवा प्रवेश हुन । २०७४ सालमा आठौं तहमा रहेका बेला खुला प्रतिस्पर्धाबाट ११औं तहमा नाम निकाल्न सफल भएका थिए । नागरिक उड्डयन प्राधिकरणमा १२ औं तहका कर्मचारी भोलाप्रसाद गुरागाईं, प्रतापबाबु तिवारी, हंशराज पाण्डेय, देवचन्द्र लाल कर्ण, गोविन्दप्रसाद दाहाल र प्रेमनाथ ठाकुर कार्यरत छन् । उनीहरुलाई बाइपास गर्दै मन्त्री आलेले ११औं तहमा कार्यरत कनिष्ठ प्रदीप अधिकारीलाई नेपाल नागरिक उड्डयन प्राधिकरणको महानिर्देशक नियुक्त गरिएको थियो । यस अघि विभिन्न विमानस्थलमा कार्यालयमा बसेर अकुत आर्जन गरेको र भ्रष्टाचार गरेको आरोपमा उनीमाथि मुद्धामाथि मुद्धाको चाङ छन् । त्यही बिषयमा अख्तियारले अनुसन्धान गरिरहेको छ ।
अधिकारी यसअघि पोखरा अन्तर्राष्ट्रिय विमानस्थल निर्माण आयोजनाका प्रमुख थिए । सबैभन्दा धेरै अनियमितता उनैबाट भएको बताइन्छ । अधिकारीले प्राधिकरणका बा १६ प ४५६९ नम्बरको ह्युण्डाईको सेतो गाडीका अलवा बा अ अ ६७१८ नम्बरको टोयोटा र्याभ ४, बा अ अ ६७१९ नम्बरको ग्रे कलरको टोयोटा हाइलक्स,बा अ अ ६७२० नम्बरको सेतो रंगको टोयोटा हाइलक्स र बा अ अ १५३० नम्बरको सेतो रंगको फोर्ड कम्पनीको गाडी चढ्दै आएको भेटिएको छ ।
यसैबीच अख्तियारमा बयान दिएर फर्किएका अधिकारीले नागरिक उड्डयन प्राधिकरणका कुनै पनि अनलाइन न्यूज पोर्टल नचल्ने बनाउन लगाएका छन् ।
