संविधानविरुद्धको अध्यादेशमार्फत संवैधानिक परिषद्ले नियुक्त गरेका ५२ संवैधानिक पदाधिकारीविरुद्धको रिटमाथि आज सुनुवाइ हुने भएको छ । उक्त रिट सर्वोच्च अदालतको संवैधानिक इजलासमा आज दोस्रो नम्बरमा परेको छ । सो रिट प्रधानन्यायधीश प्रकाशमान सिंह राउत,सपना मल्ल प्रधान,हरिप्रसाद फुँयाल,मनोजकुमार श्रेष्ठ र तिलप्रसाद श्रेष्ठको इजलाशले उक्त मुद्धाको सुनुवाई गर्ने छ ।
बिज्ञापन
प्रधानमन्त्री केपी शर्मा ओलीको अघिल्लो कार्यकालमा नियुक्त गरेका ५२ संवैधानिक पदाधिकारीको नियुक्तिविरुद्ध ओमप्रकाश अर्याल,दिनेश त्रिपाठी,समृत खरेल,कीर्तिनाथ शर्मा पौडेल लगायतका अधिवक्ताहरुले दायर गरेको रिटको चार बर्षदेखि सुनुवाई हुन सकेको छैन । उक्त रिट हालसम्म ११ पटक ‘हेर्न नभ्याइने’मा परिसकेको छ । यसअघि महिनौ लामो पेसी सर्दै आएकोमा यसपटक भने सर्वोच्चले आगामी माघ २ को पेसी तोकेको छ । । दोस्रो नम्बरमै परेकाले यसमा आज सुनुवाइ हुने सम्भावना छ ।
