विशेष अदालतले डेढ लाख घुस लिने मालपोतका खरिदार र नायब सुब्बालाई भ्रष्टचारी ठहर गरेको छ । अख्तियारको टोलीले खरिदार रमेश अधिकारी र सुब्बा सुदिप कटुवालले घुस मागको सूचनाका आधारमा आयोगको कार्यालय, इटहरीबाट खटिएको टोलीले गत असोज १२ गते उनीहरूलाई पक्राउ गरेको थियो । अनुसन्धानका क्रममा आपसी मिलेलोमतो तथा योजनामा अंशवण्डा नामसारी गरी दिएबापत सेवाग्राहीसँग १ लाख ५० हजार रुपैयाँ घुस लिएको पुष्टि भएको थियो ।
बिज्ञापन
ती कर्मचारीहरुले जग्गा नामसारी गरेबापत सेवाग्राहीसँग १ लाख ५० हजार रुपैयाँ घुस लिएको आरोपमा अख्तियारले गत कार्तिक २३ गते विशेष अदालतमा मुद्धा चलाएको थियो । विशेष अदालतले उक्त मुद्धामा चार महिनामै उक्त मुद्धाको फैसला सुनाउँदै खरिदार र नायब सुब्बालाई शुक्रवार भ्रष्टाचारी ठहर गरेको हो । घुससम्बन्धि मुद्दामा बिशेष अदालतले उनीहरुलाई शुक्रबार दोषी ठहर गरेको हो ।
